మీకు దమ్ముంటే.. ఇలా చేయండి.. తర్వాత నాపై కామెంట్లు చేయండి: సరయు

బిగ్ బాస్ హౌస్ లో మొదటి ఎలిమినేషన్ గా సరయు బయటకు వచ్చిన విషయం తెలిసిందే. ‘7 ఆర్ట్స్’ యూట్యూబ్ ఛానల్ ద్వారా మంచి ఫ్యాన్ ఫాలోయింగ్ సంపాదించుకున్నారు. ఆ యూట్యూబ్ ఛానల్ లో ప్రతీ వీడియో హాట్ హాట్ గా ఉంటాయి. బూతులు మాట్లాడుతూ.. ఎక్స్‌పోజింగ్ చేస్తూ ర‌చ్చ చేస్తూ ఉండేది. కానీ ఆమె హౌస్ లోకి వెళ్లిన దగ్గర నుంచి ఎలాంటి బూతులు మాట్లాడకుండా ఉంది కానీ.. హౌస్ మేట్స్ తో మాత్రం కలిసిలేదు.

సరిగా ఇతర కంటెస్టెంట్ లతో దూరంగా ఉండాలనే ఆలోచనతోనే ఉండేది. అదే ఆమెను బయటకు తీసుకువచ్చేట్టు చేసిందా.. అనేది కూడా అనుమానం వ్యక్తం చేశారు ఆమె అభిమానులు. ఇదిలా ఉండగా..నాగార్జున హౌస్ మేట్స్ తో మాట్లాడుతున్న సమయంలో కూడా ఏంటి సరయు బూతులు మాట్లాడటం లేదు.. ఏమైంది అని అడగ్గా.. మీరు తిడతారేమోనని మాట్లాడటం లేదుసార్ అంటూ సమాధానం ఇచ్చింది.

ఇక బటయకు వచ్చిన దగ్గర నుంచి సిరి, షణ్ముఖ్ లు మైండ్ గేమ్ ఆడుతున్నారని విరుచుకుపడంది. బిగ్ బాస్ బజ్ లో అయితే రవి, సిరి, షణ్ముఖ్ ఫొటోలను తన కాలిలో విరగొట్టేసింది. షణ్ముఖ్‌కి దమ్ముంటే మాగాడిలా ఆట ఆడాలని లేదంటే ఆడదానిలా గాజులేసుకుని మూలన కూర్చోవాలని చెప్పింది. అలాగే సిరి హనుమంత్ మగాళ్లను అడ్డుపెట్టుకుని గేమ్ ఆడుతుందంటూ షాకింగ్ కామెంట్స్ చేసింది. అయితే ఆమె బయటకు వచ్చిన తర్వాత షణ్ముఖ్ ఫ్యాన్స్ ఫోన్లు చేసి ఇష్టం వచ్చినట్లు తిట్టడంతో పాటు.. సోషల్ మీడియాలో బ్యాడ్ కామెంట్లు కూడా పెడుతున్నారని ఆవేదన వ్యక్తం చేసింది.

హౌస్ లో ఏం జరిగిందో మీకు తెలియదని.. అన్ని ఆధారాలతో తాను సెప్టెంబర్ 15 న యూట్యూబ్ లో వీడియో అప్ లోడ్ చేస్తానని సవాల్ విసిరింది. కానీ ఎలాంటి ఆధారలతో వీడియో చేయలేదు. దానికి గల కారణం తెలియదు. కానీ ఆమె షణ్ముఖ్ ఫ్యాన్స్ కు మరో సవాల్ విసిరింది.. దమ్ముంటే సైదాబాద్ లోని చిన్నారి కుటుంబసభ్యులను ఓదార్చండి అంటూ చెప్పింది. తర్వాత నా గురించి కామెంట్లు పెట్టండంటూ సమాధానం ఇచ్చింది.