Bigg Boss 8: బిగ్ బాస్ కంటెస్టెంట్ శివాజీకి బంపర్ ఆఫర్.. ఇక వారికి చుక్కలే?

Bigg Boss 8: తెలుగు బుల్లితెరపై అతిపెద్ద రియాలిటీ షోగా ఎంతో మంచి గుర్తింపు ఆదరణ సొంతం చేసుకున్న కార్యక్రమాలలో బిగ్ బాస్ కార్యక్రమం ఒకటి. ఈ కార్యక్రమం ఇప్పటికే తెలుగులో ఏడు సీజన్లను పూర్తి చేసుకుంది త్వరలోనే ఎనిమిదవ సీజన్ కూడా ప్రారంభం కాబోతుందని అందుకు సంబంధించిన ఏర్పాట్లు కూడా శరవేగంగా జరుగుతున్నాయని తెలుస్తోంది.

ఇప్పటికే సీజన్ 8 కి సంబంధించిన పనులు జరుగుతున్నాయి. అలాగే కంటెస్టెంట్ల ఎంపిక ప్రక్రియ కూడా జరుగుతుంది. ఎప్పటిలాగే ఈసారి సోషల్ మీడియా సెలబ్రిటీలను అలాగే సీరియల్ ఆర్టిస్టులను కూడా ఈ కార్యక్రమంలోకి కంటెస్టెంట్లుగా తీసుకురాబోతున్నారని సమాచారం.

ఇప్పటికే ఈ కార్యక్రమంలో పాల్గొనే కంటెస్టెంట్లకు సంబంధించిన కొన్ని పేర్లు కూడా సోషల్ మీడియాలో వైరల్ అవుతున్నాయి. ఇదిలా ఉండగా తాజాగా మరో వార్త చెక్కరలు కొడుతుంది. బిగ్ బాస్ కార్యక్రమం ప్రారంభమవుతుండగా ఎలిమినేట్ అయిన కంటెస్టెంట్లను ఇంటర్వ్యూ చేస్తూ బిగ్ బాస్ బజ్ కార్యక్రమాన్ని కూడా నిర్వహించే సంగతి మనకు తెలిసిందే.

బజ్ హోస్ట్ గా శివాజీ..
ఇక ఈ కార్యక్రమానికి యాంకర్ గా గత సీజన్లో పాల్గొన్న కంటెస్టెంట్లు హోస్ట్ గా వ్యవహరిస్తూ ఉంటారు. అయితే ఈ ఎనిమిదవ సీజన్ ప్రారంభమైన సమయంలో బిగ్ బాస్ బజ్ హోస్ట్ గా శివాజీ ఉండబోతున్నారని సమాచారం. ఇక ఈయన ప్రతిదీ కూడా ప్రశ్నిస్తూ ఉంటారు. ఈ క్రమంలోనే ఎనిమిదవ సీజన్లో పాల్గొన్న కంటెస్టెంట్లను కూడా అదే విధంగా ప్రశ్నిస్తూ వారిని ఇబ్బందులకు గురి చేస్తారనడంలో సందేహం లేదని చెప్పాలి. ఇక త్వరలోనే ఈ విషయం గురించి అధికారక ప్రకటన రానుంది.