బాలీవుడ్ ప్రముఖులను వణికిస్తున్న డ్రగ్స్ కేసు.. 50 మందిలో టెన్షన్..?

సుశాంత్ మృతి కేసు ఆత్మహత్యో హత్యో తేలుతుందని ఆయన అభిమానులు భావిస్తే ఆయన ఆత్మహత్య కేసులో కీలక పరిణామాలు చోటు చేసుకుంటున్నాయి. సుశాంత్ ప్రియురాలు రియా చక్రవర్తి చేసిన వ్యాఖ్యలు ప్రస్తుతం బాలీవుడ్ వర్గాల్లో చర్చనీయాంశమయ్యాయి. నార్కొటిక్స్ కంట్రోల్ బ్యూరో (ఎన్సీబీ) విచారణలో రియా తనను తాను అమాయకురాలని పేర్కొంది. తనకే పాపం తెలియదని తప్పంతా సుశాంత్ చేశాడని చెబుతోంది.

తనతో పరిచయం ఏర్పడక ముందే సుశాంత్ కు డ్రగ్స్ అలవాటు ఉండేదని.. తన డబ్బులతో కొన్నిసార్లు మాత్రమే సుశాంత్ కు డ్రగ్స్ కొనిచ్చామని.. సుశాంత్ తన స్టాఫ్ ను సైతం డ్రగ్స్ కావాలని బలవంతం చేశాడని చెప్పారు. సుశాంత్ వల్ల మానసిక క్షోభ అనుభవిస్తున్నామని.. తనతో పాటు తన సోదరుడిని కూడా డ్రగ్స్ కోసం వినియోగించుకున్నారని రియా చక్రవర్తి పేర్కొన్నారు.
 
రియా బాలీవుడ్ లోని దీపికా పదుకొనే, సారా అలీఖాన్, శ్రద్ధా కపూర్, టాలీవుడ్ హీరోయిన్ రకుల్ ప్రీత్ సింగ్ డ్రగ్స్ తీసుకునే వారని వెల్లడించారు. అయితే ఎన్సీబీ అధికారులు మొదట కొందరి పేర్లను మాత్రమే లీక్ చేశారని ఈ జాబితాలో దాదాపు 50 మంది ఉన్నారని తెలుస్తోంది. దీంతో డ్రగ్స్ తీసుకున్న బాలీవుడ్ ప్రముఖులతో పాటు ఇతర ఇండస్ట్రీల సినీ ప్రముఖుల్లో సైతం టెన్షన్ నెలకొంది.
 
రియా ఫోన్ ఛాటింగ్, ఇతర ఆధారాలను బట్టి మరి కొంతమందికి నోటీసులు జారీ అయ్యే అవకాశాలు ఉన్నట్టు తెలుస్తోంది. ఈ డ్రగ్స్ కేసు ఇంకెన్ని మలుపులు తిరుగుతుందో చూడాల్సి ఉంది. గతంలో టాలీవుడ్ ఇండస్ట్రీలో పలూవురు స్టార్ హీరోలు, హీరోయిన్లు, దర్శకులు డ్రగ్స్ తీసుకున్నట్టు వార్తలు వచ్చినా ఆ కేసు ఏమైందో తెలీదు. బాలీవుడ్ డ్రగ్స్ కేసు కూడా టాలీవుడ్ కేసులా మారుతుందా…? లేదా…? తెలియాలంటే కొంత కాలం ఆగాల్సిందే.