Brahmaji: బ్రహ్మజీ పరిచయం అవసరం లేని పేరు. టాలీవుడ్ ఇండస్ట్రీలో నటుడిగా కమెడియన్ గా పలు సినిమాలలో నటిస్తూ ఎంతో మంచి గుర్తింపు సంపాదించుకున్న బ్రహ్మాజీ సోషల్ మీడియాలో కూడా చాలా యాక్టివ్ గా ఉంటారు. ఇలా సోషల్ మీడియాలో ఈయన వేసే పంచులకు విపరీతమైన అభిమానులు పెరిగిపోయారు.

సోషల్ మీడియా వేదికగా బ్రహ్మాజీ హీరోయిన్ తో చేసినటువంటి చాట్ ప్రస్తుతం సోషల్ మీడియాలో వైరల్ గా మారింది.భీమ్లా నాయక్ సినిమా ద్వారా ఇండస్ట్రీకి హీరోయిన్ గా పరిచయమైన సంయుక్త మీనన్ ప్రస్తుతం వరుస తెలుగు సినిమాలలో నటిస్తూ అన్ని సూపర్ హిట్ చిత్రాలను తన ఖాతాలో వేసుకుంటున్నారు. ఈ క్రమంలోనే ఈనెల 21వ తేదీ ఈమె నటించిన విరూపాక్ష సినిమా ప్రేక్షకుల ముందుకు రాబోతుంది.

ఈ సినిమా విడుదల తేదీ దగ్గర పడటంతో ప్రమోషన్ కార్యక్రమాలను కూడా మొదలుపెట్టారు తాజాగా ట్రైలర్ కూడా విడుదల చేశారు.ఈ క్రమంలోనే నటి ఈ సినిమా ట్రైలర్ ఎలా ఉంది మీకు నచ్చిందా అంటూ ట్విట్టర్ వేదికగా అభిమానులతో సరదాగా ముచ్చటించారు.ఈ సినిమా ట్రైలర్ బాగుందా అన్న ప్రశ్నకు బ్రహ్మాజీ రిప్లై ఇస్తూ చాలా బాగుంది ప్లాటినం లెగ్ గారు అంటూ కామెంట్ చేశారు.

Brahmaji: పులిహోర కలుపుతున్నావా…

ఇది చూసిన సంయుక్త అరే ఏంటి బ్రహ్మీ గారు అంటూ కామెంట్ చేశారు. ఇలా వీరిద్దరి మధ్య జరిగిన ఈ సంభాషణ పై నేటిజన్స్ స్పందిస్తూ అన్న ఏంటీ హీరోయిన్ తో పులిహోర కలిపే ప్రయత్నం చేస్తున్నావా… ఏంటి గురూజీ ఇది అంటూ పెద్ద ఎత్తున నేటిజన్స్ బ్రహ్మాజీపై కామెంట్లు చేస్తున్నారు. ప్రస్తుతం ఇందుకు సంబంధించిన ఈ ట్వీట్స్ సోషల్ మీడియాలో వైరల్ అవుతున్నాయి.