వీడియో వైరల్: గాల్లో తేలుతూ కింద పడిన కారు.. చివరికి ఏమైందంటే?

మనం సాధారణంగా కార్లు, సుమోలు గాల్లో తేలడం సినిమాలలో చూసి ఉంటాము.సినిమా కనుక అలాంటి సన్నివేశాలు చూడటానికి ఎంతో సంబరపడి పోతాము. అయితే నిజ జీవితంలో ఇలాంటి సంఘటనలు చూడాలంటే కొంచెం గుండె ధైర్యం ఉండాలి. అదేవిధంగా నిజ జీవితంలో మన కళ్ళముందు ఇలాంటి సంఘటనలు జరిగితే చూడటానికి ఎంతో భయంకరంగా ఉంటుంది. అందుకే రోడ్డు ప్రయాణం చేసేటప్పుడు ఎంతో జాగ్రత్తగా వ్యవహరిస్తూ సరైన మార్గంలో వెళ్లాలి. లేదంటే ఈ కారుకు జరిగిన విధంగానే మనకు ప్రమాదం జరగక మానదు.

అమెరికాలోని కాలిఫోర్నియా యుబా సిటీలోని హైవే 99 పై ప్రయాణిస్తున్న ఒక కారు అచ్చం హాలీవుడ్ సినిమాలను తలపించే విధంగా గాల్లో దుమ్ము లేపుతూ విమానం లాగా చక్కర్లు కొడుతూ కిందపడింది. ఈ విధంగా గాల్లో తేలుతూ కింద పడటంతో ఆ కారు క్షణాలలో నుజ్జునుజ్జయింది. ఈ ఘటన అదే హైవే పై ప్రయాణిస్తున్నటువంటి ఒక ట్రక్ డాష్ బోర్డు కెమెరాలో రికార్డయ్యాయి.ఈ క్రమంలోనే సదరు ట్రక్ కొద్దిగా వేగంతో ప్రయాణించిన ప్రమాదం మరింత ఎక్కువగా జరిగి ఉండేది.

ఈ వీడియోలో భాగంగా అవతలి వైపు కారులో ప్రయాణం చేస్తూ వస్తున్న మహిళ వేగంతో వస్తు కారును ఎడమవైపుకు తిప్పే ప్రయత్నం చేసింది.ఈ క్రమంలోనే కారు అదుపు తప్పి గాల్లో ఎగిరి కింద పడిందని స్థానికులు చెబుతున్నారు.ఈ కారు గాల్లో పల్టీలు కొడుతూ కింద పడినటువంటి ఘటన డాష్ బోర్డ్ కెమెరాలో రికార్డ్ అయింది. ఈ ఘటన చూసిన ట్రక్కులో ఉన్నటువంటి జంట వెంటనే పోలీసులకు సమాచారం ఇచ్చారు.

ఈ విధంగా ఒక్కసారిగా కారు కింద పడటంతో ఎంతో భయభ్రాంతులకు గురి అయిన ఈ జంట ఆ తర్వాత ఆ కారు వద్దకు చేరుకోగా అందులో ఓ మహిళ ఉండటంతో ఆమెను బయటకు తీశారు. అదృష్టం కొద్ది మహిళకు తీవ్ర ప్రమాదం తలెత్తలేదు. దీంతో ఆ మహిళను చికిత్స నిమిత్తం ఆసుపత్రికి తరలించారు. ప్రస్తుతం ఈ కారు ఘటనకు సంబంధించిన వీడియో సోషల్ మీడియాలో వైరల్ గా మారింది.