దొంగకు హ్యాట్సాఫ్… ఏకంగా మొసలిని దొంగలించాడు.. చివరికి ఇలా అయ్యాడు?

సాధారణంగా మనం మొసలిని చూడగానే ఆమడ దూరం పరిగెడతాము. కానీ ఓ దొంగ మాత్రం ఆ మొసలిని దొంగలించాడు. మొసలిని దొంగలించడం ఏంటి అని ఆశ్చర్యపోతున్నారా.. అవును ఓ దొంగ మొసలిని దొంగలించి ఎత్తుకెళ్లి పోతుండగా సమాచారం అందుకున్న పోలీసులు అతనిని వెంబడించి అతని నుంచి మొసలికి విముక్తి కల్పించిన ఘటన అమెరికాలో చోటు చేసుకుంది. అసలు ఆ దొంగ మొసలిని ఎందుకు దొంగతనం చేశాడు… అలా చేయడానికి కారణం ఏమిటి అనే విషయాలను ఇక్కడ తెలుసుకుందాం…

అర్ధరాత్రి సమయంలో ఓ వ్యక్తి మొసలిని దొంగతనం చేసి తీసుకెళ్తూ డేటోనా బీచ్ షోర్స్ డిపార్ట్‌మెంట్ ఆఫ్ పబ్లిక్ సేఫ్టీ అధికారులు కంట పడ్డాడు.ఈ క్రమంలోనే అతనిని వెంబడించి పోలీసులు అతని దగ్గర నుంచి మొసలిని స్వాధీనం చేసుకున్నారు. ఈ క్రమంలోనే పోలీసులు అతడిని అరెస్టు చేసి జైలుకు తరలించారు. ఈ క్రమంలోనే మొసలిని దొంగతనం చేయడం వెనుక గల కారణాలను విచారించారు.

ఈ విధంగా మొసలిని దొంగలించిన వ్యక్తి పేరు బుబ్బా హాడ్జ్ అతడు ఈ మొసలిని డేటోనా బీచ్ సమీపంలో పర్యాటకుల కోసం ఏర్పాటు చేసిన మడుగులో నుంచి దొంగలించినట్టు తెలుస్తోంది. ఈ విధంగా సదరు వ్యక్తి మొసలిని దొంగతనం చేయడానికి గల కారణం ఏంటని పోలీసులు ప్రశ్నించడంతో అతను పోలీసులకు దిమ్మతిరిగే సమాధానం చెప్పాడు. కేవలం ఆ మొసలికి గుణపాఠం చెప్పడం కోసమే దానిని దొంగలించానని చెప్పాడు.

మొసలికి గుణపాఠం చెప్పడానికి అతను ప్రాణాలకు తెగించి మొసళ్ళు నివసించే మడుగు కట్టిన ఇనుప కంచెను దూకి దానిని దొంగలించాడు. ఏదిఏమైనా ఈ విధంగా మొసలికి గుణపాఠం చెప్పాల్సినంత పగ ఎందుకు పెంచుకున్నాడనే విషయం మాత్రం తెలియడం లేదు.ఏదిఏమైనా ఈ విధంగా మొసలిని దొంగతనం చేసినందుకు గాను పోలీసులు ఆ వ్యక్తికి మాత్రం సరైన గుణపాఠం చెప్పారు.ఈ ఘటనకు సంబంధించిన చిత్రాన్ని DBSDPS అధికారులు ఫేస్‌బుక్‌లో పోస్ట్ చేయడమే కాకుండా ఈ ఘటనకు పాల్పడిన అందుకుగాను ఆ వ్యక్తికి ఏకంగా 4500 డాలర్లు జరిమానా విధించి పూచీకత్తుపై బెయిల్ పై విడుదల చేశారు. ప్రస్తుతం ఈ వీడియో సోషల్ మీడియాలో వైరల్ గా మారింది.