Category Archives: Political News

Kodali Nani: రుషికొండ భవనాలపై రియాక్ట్ అయిన కొడాలి నాని… తగ్గేదే లేదంటూ?

Kodali Nani: కొడాలి నాని గత ప్రభుత్వంలో ఈయన మంత్రిగా బాధ్యతలు చేపట్టారు అయితే కొడాలి నాని ఫైర్ బ్రాండ్ గా బూతుల మంత్రిగా కూడా పేరు సంపాదించుకున్నారు. ఇక ప్రస్తుతం చంద్రబాబు నాయుడు అధికారంలోకి వచ్చిన తర్వాత ఈయన కాస్త సైలెంట్ అయ్యారని వార్తలు వచ్చాయి అంతేకాకుండా తెలుగుదేశం పార్టీ కార్యకర్తలు ఈయన ఇంటిపై పెద్ద ఎత్తున కోడిగుడ్లతో దాడి చేసిన ఘటనలు కూడా చోటుచేసుకున్నాయి.

ఇలా కొడాలి నాని గురించి ఆయన ఇంటిపై పెద్ద ఎత్తున దాడులు జరిగిన ఇప్పటివరకు స్పందించని కొడాలి నాని తాజాగా మీడియా ముందుకు వచ్చి తన స్టైల్ లో అధికార నేతలకు కూడా మాస్ వార్నింగ్ ఇచ్చారు. ప్రస్తుతం అధికారంలో ఉన్న ప్రభుత్వం జగన్ ప్రభుత్వం ఫర్నిచర్ మొత్తం మాయమైందని తన ఇంట్లో ఉందంటూ ఆరోపణలు చేశారు. ఈ విషయంపై కొడాలి నాని స్పందించారు. ప్రభుత్వ ఫర్నిచర్ ను జగన్ మోహన్ రెడ్డి తన ఇంట్లో తన సాక్షి ఆఫీసులో వేసుకోలేదని ప్రభుత్వ క్యాంప్ కార్యాలయంలోనే ఉందని తెలిపారు.

అవసరమైతే వచ్చి తీసుకెళ్లండి లేకపోతే ఎంత డబ్బు ఖర్చు అయిందో చెబితే మీ మోహన పడేస్తామనీ తెలిపారు.. ఇక రిషికొండ భవనాల గురించి మాట్లాడుతూ అది జగన్ కట్టుకున్న భవనమని ప్రచారాలు చేస్తున్నారు. జగన్మోహన్ రెడ్డికి అలాంటి ప్రభుత్వ భవనాలలో ఉండే కర్మ పట్టలేదని తెలిపారు. ఆయన తాడేపల్లిలో కూడా సొంత నివాసం కట్టుకున్నారు. ఇక వైజాగ్ వచ్చిన అక్కడ కూడా సొంత ఇల్లు కట్టుకొని నివసిస్తారు తప్పా.. మీలా ఎవరి కొంపల్లోనూ దూరి ఉండరని నాని తెలిపారు.

సొంత ఇంట్లోనే నివసిస్తారు..
ఇక సూపర్ సిక్స్ హామీల గురించి కూడా ప్రశ్నించారు. ఉచిత బస్సు ప్రయాణం ఎప్పుడు కల్పిస్తున్నారు ప్రతి 18 సంవత్సరాల నిండా మహిళకు 1500 ఎప్పుడు ఇస్తున్నారు. 4000 పెన్షన్ ఎప్పటినుంచి అమలు చేస్తున్నారు అంటూ వరుసగా ప్రశ్నించారు. వీటి గురించి ఆలోచన చేయకుండా ఋషికొండ భవనాలు పోలవరం అంటూ తప్పించుకోనీ తిరుగుతున్నారంటూ నాని తనదైన స్టైల్ లోనే మాట్లాడుతూ చేసిన కామెంట్స్ వైరల్ అవుతున్నాయి.

Pawan Kalyan: పవన్ ఎక్కువ కాలం రాజకీయాలలో ఉండరు.. సినిమాలే బెటర్: జెసీ దివాకర్ రెడ్డి

Pawan Kalyan: తెలుగుదేశం పార్టీ నేత మాజీ ఎంపీ దివాకర్ రెడ్డి తాజాగా మీడియా సమావేశంలో పాల్గొన్నారు. ఈ సమావేశంలో భాగంగా ఈయన పలు రాజకీయ అంశాల గురించి మాట్లాడటమే కాకుండా పవన్ కళ్యాణ్ రాజకీయ జీవితం గురించి కూడా మాట్లాడారు. పవన్ కళ్యాణ్ ఇటీవల ఉప ముఖ్యమంత్రిగా మంత్రిగా కూడా బాధ్యతలు తీసుకున్నారు అయితే ఈయన బాధ్యతలు తీసుకున్న తర్వాత అధికారులతో ఉన్నత సమీక్షలు నిర్వహించడమే కాకుండా పలు కీలక ఆదేశాలను కూడా జారీ చేస్తున్నారు.

ఈ క్రమంలోనే పవన్ కళ్యాణ్ పరిపాలన ఎలా ఉండబోతుందనే విషయం గురించి అందరూ ఆసక్తిగా ఎదురుచూస్తున్నారు. అయితే పవన్ కళ్యాణ్ చెప్పే మాటలకు ఆయన చేసే చేష్టలకు పోలిక ఉండదు. ఇలాంటి తరుణంలోనే దివాకర్ రెడ్డి పవన్ కళ్యాణ్ గురించి మాట్లాడుతూ పలు విషయాలు వెల్లడించారు. ఇప్పటివరకు తాను పవన్ కళ్యాణ్ ని ఎప్పుడు నేరుగా కలవలేదని తెలిపారు. ఈయన ఇప్పుడిప్పుడే బాధ్యతలు తీసుకుంటున్నారు. మరొక నెలరోజుల తర్వాత ఆయన పరిపాలన విధానం పై పూర్తి స్పష్టత వస్తుందని తెలిపారు.

కులమే సపోర్ట్ చేసింది..
నా అంచనా ప్రకారం ఈయన రాజకీయాలలో ఎక్కువ కాలం పాటు ఉండరని తెలిపారు. ఎందుకంటే ఆర్థికంగా చూసుకుంటే రాజకీయాలలో కంటే సినిమాలలోనే బెటర్ అని తెలియజేశారు. కుల రాజకీయాలపై స్పందించిన దివాకర్ రెడ్డి పవన్ కళ్యాణ్ కు బేస్ కులమే అని కులమే పవన్ స్ట్రాంగ్ గా సపోర్ట్ చేసిందని వెల్లడించారు.

AP: ఏపీ మహిళలకు ఉచిత బస్సు ప్రయాణం అప్పుడే.. మంత్రి సంచలన వ్యాఖ్యలు!

AP: ఆంధ్రప్రదేశ్లో కొత్త ప్రభుత్వం ఏర్పాటు అయింది కూటమి ఎన్నికలలో అద్భుతమైన విజయం సాధించి 164 సీట్లతో ప్రభుత్వాన్ని ఏర్పాటు చేసింది. ఇక ఈ ఎన్నికల ప్రచార కార్యక్రమాలలో భాగంగా మహిళలకు ఉచిత బస్సు సౌకర్యంతో పాటు మరికొన్ని హామీలను కూడా ప్రకటించిన సంగతి తెలిసిందే. ఈ క్రమంలోనే మహిళలకు ఉచిత బస్సు ప్రయాణం ఎప్పటి నుంచి అన్నే విషయం గురించి తాజాగా రవాణా శాఖ మంత్రి స్పందించారు.

ఈ సందర్భంగా రవాణా క్రీడల శాఖ మంత్రి రాంప్రసాద్ రెడ్డి మాట్లాడుతూ త్వరలోనే మహిళలకు ఉచిత బస్సు ప్రయాణం కల్పిస్తామని తెలిపారు. ఇప్పటికే తెలంగాణ కర్ణాటకలో మహిళలకు ఉచిత బస్సు సౌకర్యం అందుబాటులోకి వచ్చింది. ఈ క్రమంలోనే మరో 15 రోజులలో ఉచిత బస్సు ప్రయాణం పై ఒక కమిటీ వేసి నిర్ణయిస్తామని తెలిపారు..

ప్రస్తుతం తెలంగాణ కర్ణాటకలో అమలవుతున్న ఈ ఉచిత బస్సు ప్రయాణం గురించి ఆయా రాష్ట్రాలలో పర్యటించిన తర్వాత అమలు చేస్తామని తెలిపారు. ఇక ఇటీవల విజయవాడ బస్టాండ్ లో పర్యటించి అక్కడ ప్రయాణికులతో మాట్లాడి సమస్యలని అడిగి తెలుసుకున్నారు. ఈ క్రమంలోనే వైయస్ జగన్ పై ఆగ్రహం వ్యక్తం చేశారు. గత ఐదు సంవత్సరాల కాలంలో జగన్మోహన్ రెడ్డి ఒక బస్సు కూడా కొనలేదని బస్సులను కూడా రిపేర్ చేయించలేదని తెలిపారు.

ఒక్క బస్సు కూడా కొనలేదు..
దూర ప్రాంతాలకు నడిచే బస్సుల సంఖ్య పెంచుతామని అలాగే కొత్తగా ఎలక్ట్రిక్ బస్సులను కొంటామంటూ తెలిపారు. బస్ స్టేషన్లలోనే భోజన సదుపాయాలు వాష్ రూమ్లో వంటివి సరిగ్గా ఉండేలా చూస్తామంటూ అలాగే ప్రయాణికుల భద్రత విషయంలో కూడా ఎలాంటి లోపాలు లేకుండా జాగ్రత్తలు తీసుకుంటామని మంత్రి రాంప్రసాద్ రెడ్డి తెలిపారు.

YS Jagan Mohan Reddy: 2029 లో చంద్రబాబుకు వచ్చేది సింగిల్ డిజిట్ సీట్లు: వైయస్ జగన్

YS Jagan Mohan Reddy: 2024 ఎన్నికల ఫలితాలు తర్వాత వైఎస్ జగన్మోహన్ రెడ్డి కేవలం 11 సీట్లకు మాత్రమే పరిమితం అయ్యారు. 2019 ఎన్నికలలో 151 అసెంబ్లీ స్థానాలలో విజయం సాధించిన జగన్మోహన్ రెడ్డి ఈసారి మాత్రం వై నాట్ 175 అంటూ ఎన్నికల బరిలోకి దిగారు కానీ ఊహించని విధంగా ఎన్నికలు ఫలితాలు రావడంతో ఒక్కసారిగా వైసీపీ శ్రేణులు నాయకులు షాక్ అయ్యారు.

ఇక కూటమిన్ 164 సీట్లతో ప్రభుత్వాన్ని ఏర్పాటు చేసింది ఇక వైయస్ జగన్మోహన్ రెడ్డి ఇలాంటి ఓటమిని ఎదుర్కొన్న తర్వాత తన ఓటమికి గల కారణాలు ఏంటి అనే విషయం గురించి ఇప్పటికే వైసీపీ నాయకులతో అలాగే ఎంపీలతో ఎమ్మెల్సీలతో భేటీ అవుతూ చర్చలు జరిపారు.

ఈ క్రమంలోనే ఇటీవల తాడేపల్లిలో జగన్మోహన్ రెడ్డి వైఎస్ఆర్సిపి ఎమ్మెల్యే అభ్యర్థులు ఎంపీ అభ్యర్థులతో సమావేశమైన సంగతి తెలిసిందే. ఈ కార్యక్రమంలో భాగంగా ఈయన మాట్లాడుతూ చేసిన వ్యాఖ్యలు వైరల్ అవుతున్నాయి. అందరూ తనని రాజకీయాలలో ముక్కుసూటి మనషి , రాజకీయాలలో మరి ఇంత నిజాయితీగా ఉండకూడదనీ తెలుసు, కానీ ధర్మాన్ని వీడని తెలిపారు.

నిజాయితీగా ఉండకూడదు..
ఇక వచ్చే అయితేలలో చంద్రబాబు నాయుడు ఇచ్చిన తప్పుడు హామీలు నెరవేర్చకపోతే తిరిగి ప్రజలు విశ్వసనీయతకు పట్టం కడతారని జగన్ తెలిపారు. ఇక చంద్రబాబు నాయుడుకి వచ్చే ఎన్నికలలో సింగిల్ డిజిట్ సీట్లు వస్తాయని ఈ సందర్భంగా జగన్ చేసిన ఈ వ్యాఖ్యలు మారాయి. దాడులలో నష్టపోయిన ప్రతి ఒక్క కార్యకర్త ఇంటికి తాను వస్తానని జండా మోసిన వారు ఇంకా కష్టంలోనే ఉన్నారని, వారికి ధైర్యం భరోసా ఇవ్వాల్సిన బాధ్యత నాపై ఉందని జగన్ తెలిపారు.

Pawan Kalyan: ఎమ్మెల్యేగా ప్రమాణస్వీకారం చేసిన పవన్.. చప్పట్లతో హోరెత్తిన అసెంబ్లీ!

Pawan Kalyan: సినీ నటుడు పవన్ కళ్యాణ్ ప్రస్తుతం ఆంధ్రప్రదేశ్ ఉప ముఖ్యమంత్రిగా మంత్రిగా కూడా బాధ్యతలు తీసుకున్నారు. ఇక నేటి నుంచి ఆంధ్రప్రదేశ్ అసెంబ్లీ సమావేశాలు ప్రారంభం కావడంతో ఎంపికైన ఎమ్మెల్యేలు అసెంబ్లీలోకి అడుగుపెట్టి స్పీకర్ ముందు ఎమ్మెల్యేలుగా మంత్రులుగా ప్రమాణ స్వీకారం చేశారు.

ఈ క్రమంలోనే ముందు ముఖ్యమంత్రిగా చంద్రబాబు నాయుడు స్పీకర్ బుచ్చయ్య చౌదరి ఎదుట ప్రమాణస్వీకారం చేయగా అనంతరం ఉప ముఖ్యమంత్రిగా పవన్ కళ్యాణ్ ప్రమాణం చేశారు. ఇక పవన్ కళ్యాణ్ పేరును పిలవగానే ఒక్కసారిగా అసెంబ్లీ మొత్తం చప్పట్లతో హోరెత్తిపోయింది.

పవన్ కళ్యాణ్ ప్రమాణస్వీకారం చేయడానికి వస్తున్న నేపథ్యంలో తెలుగుదేశం ఎమ్మెల్యేలు మొత్తం లేచి నిలబడ్డారు. ఇక నారా లోకేష్ తన స్థానంలో లేచి నిలబడి తన ఎదురుగా ఉన్న బల్లపై కొట్టి శబ్దం చేస్తూ తన ఉత్సాహాన్ని ప్రదర్శించారు.  అనంతరం బుచ్చయ్య చౌదరి తన చేత ప్రమాణస్వీకారం చేయించారు.

అసెంబ్లీలో పవన్..
ఇలా ఇప్పటివరకు రాజకీయాలలో కొనసాగుతూ ఎన్నో అవమానాలను ఎదుర్కొన్న పవన్ కళ్యాణ్ నేడు అసెంబ్లీలోకి అడుగుపెట్టడంతో అభిమానులు కూడా ఎంతో సంతోషం వ్యక్తం చేస్తున్నారు. ఈయన ప్రమాణ స్వీకారం చేసినటువంటి వీడియో క్లిప్పులను జనసేన అభిమానులు సోషల్ మీడియాలో వైరల్ చేస్తూ శుభాకాంక్షలు తెలియజేస్తున్నారు.

YS Jagan Mohan Reddy: అసెంబ్లీలోకి అడుగుపెట్టిన వైయస్ జగన్.. ఎమ్మెల్యేగా ప్రమాణస్వీకారం!

YS Jagan Mohan Reddy: 2019 సంవత్సరంలో 151 సీట్లతో అత్యధిక మెజారిటీ సాధించి ఏపీ ముఖ్యమంత్రిగా విధులు నిర్వహించినటువంటి జగన్మోహన్ రెడ్డి 2024 ఎన్నికలలో ఘోర పరాజయం అయ్యారు. ఈయన ఈసారి ఎన్నికలలో కేవలం 11 సీట్లకు మాత్రమే పరిమితం కావలసి వచ్చింది. ఇక కూటమి 164 సీట్లతో భారీ విజయాలను సొంతం చేసుకుంది.

ఇలా ఎమ్మెల్యేలుగా గెలిచిన వారందరూ కూడా నేడు అసెంబ్లీలోకి అడుగుపెట్టి ఎమ్మెల్యేలుగా ప్రమాణస్వీకారం చేశారు. ఈ క్రమంలోనే వైయస్ జగన్మోహన్ రెడ్డి అసెంబ్లీలోకి రారనీ చాలామంది భావించారు. కానీ ఆయన నేడు అసెంబ్లీలోకి అడుగు పెట్టారు. 164 మంది అధికార నేతలతో కలిసి వైసిపి 11 మంది ఎమ్మెల్యేలు అసెంబ్లీకి వెళ్లారు.

ఈ క్రమంలోనే జగన్మోహన్ రెడ్డి సైతం ఒక సాధారణ ఎమ్మెల్యేగా అసెంబ్లీలో ప్రమాణ స్వీకారం చేశారు. అసెంబ్లీలో తెలుగుదేశం నేతలందరికీ మర్యాదపూర్వకంగా నమస్కారం చేసి అనంతరం స్పీకర్ బుచ్చయ్య చౌదరి ఎదుట ఈయన శాసనసభ సభ్యుడిగా ప్రమాణస్వీకారం చేశారు. ఇక ఈయన అసెంబ్లీ అంటే ఒక కౌరవ సభ అని అక్కడికి వెళ్లి మనం చేసేదేమీ లేదని ఇదివరకు తన ఎమ్మెల్యే అభ్యర్థులతో భేటీ అయిన సమయంలో మాట్లాడారు దీనితో ఈయన అసెంబ్లీకి రారని అందరూ భావించారు.

ఎమ్మెల్యేగా జగన్ ప్రమాణస్వీకారం..
ఇకపోతే నేడు అసెంబ్లీ సమావేశాలు ప్రారంభం కావడంతో జగన్మోహన్ రెడ్డి అసెంబ్లీలోకి అడుగుపెట్టి ఎమ్మెల్యేగా ఆయన తన బాధ్యతలను నిర్వర్తించారు. ఇకపై ఈయన అసెంబ్లీలోకి వెళ్తారా లేదా అనేది తెలియదు కానీ ప్రస్తుతం మాత్రం ఎమ్మెల్యేగా ఆయన ప్రమాణ స్వీకారం చేశారు.

Pawan Kalyan: పవన్ కు తలనొప్పిగా మారిన వాలంటీర్లు.. ఆ 32 వేల మందిని కనిపెడతారా?

Pawan Kalyan: పవన్ కళ్యాణ్ ప్రస్తుతం ఉపముఖ్యమంత్రిగా ఐదు శాఖలకు మంత్రిగా కూడా బాధ్యతలు తీసుకొని ఏపీ రాష్ట్ర రాజకీయాలలో సంచలనంగా మారారు. నిన్న ఈయన ఉపముఖ్యమంత్రిగాను అలాగే మంత్రిగాను బాధ్యతలు తీసుకొని ఆయా శాఖలకు సంబంధించిన అధికారులతో సమావేశమై అన్ని విషయాలను అడిగి తెలుసుకున్నారు.

ఇక ఈయన మంత్రిగా బాధ్యతలు తీసుకున్నారో లేదో ఆయనకు ఓ పెద్ద సమస్య వచ్చి పడింది. పవన్ కళ్యాణ్ అధికారంలో లేనప్పుడు ఏపీలో వాలంటీర్ వ్యవస్థ గురించి చేసిన కామెంట్స్ వైరల్ గా మారాయి. వాలంటీర్లు ప్రతి గ్రామంలో ఉన్నటువంటి ఒంటరి మహిళల డేటా కలెక్ట్ చేసి వారి సమాచారాన్ని సంఘ విద్రోహులకు అందించడంతో రాష్ట్రవ్యాప్తంగా సుమారు 32,000 మంది మహిళలు కనిపించకుండా పోయారని ఈ విషయంపై ప్రభుత్వం మౌనంగా ఉంది అంటూ అప్పట్లో ప్రశ్నించారు.

ఇక ఈ వ్యాఖ్యలు చేసిన కొన్ని నెలలకే జగన్ ప్రభుత్వం దిగిపోయి కూటమి ప్రభుత్వం అధికారంలోకి వచ్చింది. ఈ క్రమంలోనే సోషల్ మీడియాలో ఒక వీడియో వైరల్ గా మారింది. గతంలో వాలంటీర్ల గురించి పవన్ చేసిన వ్యాఖ్యలను తెరపైకి తీసుకువచ్చారు. వాలంటీర్ల ద్వారా 32,000 మంది మహిళలు కనిపించకుండా పోయారని పవన్ తెలిపారు. అయితే ఇప్పుడు వారే అధికారంలో ఉన్నారు. ఆ 32,000 మందిని తీసుకువచ్చి వారి కుటుంబాలకు అప్పచెప్పాలి అంటూ వీడియోలు వైరల్ అవుతున్నాయి.

అధికారం మీదే..

ప్రస్తుతం పవన్ కళ్యాణ్ ఉపముఖ్యమంత్రి మాత్రమే కాకుండా ఐదు శాఖలకు మంత్రిగా కూడా ఉన్నారు. అలాగే సెంట్రల్ హోమ్ మినిస్టర్ కూడా వీరి చేతిలోనే ఉంది కనుక వీరి అధికారాన్ని ఉపయోగించి కనిపించకుండా పోయిన 32,000 మంది మహిళలను తీసుకురావాలంటూ వీడియోలు వైరల్ అవుతున్నాయి. ఇలా గతంలో ఈయన చేసిన వ్యాఖ్యలు ఇప్పుడు ఈయనకే సవాల్ గా మారాయని తెలుస్తుంది. మరి ఈ విషయంపై పవన్ స్పందిస్తారా లేదా అన్నది తెలియాల్సి ఉంది.

AP: జగన్ నిర్ణయంతో పిఠాపురం వర్మకు రాజయోగం… అలా కలిసొచ్చిందిగా?

AP: పిఠాపురంలో టీడీపీ ఇన్ చార్జీగా ఉన్నటువంటి వర్మ పవన్ కళ్యాణ్ విజయానికి ఎంతగానో కారణమయ్యారు. నిజానికి ఈ నియోజకవర్గంలో వర్మ పోటీ చేయాల్సి ఉండగా కూటమిలో భాగంగా పవన్ కళ్యాణ్ పోటీ చేయడంతో వర్మ స్వతంత్ర అభ్యర్థిగా పోటీ చేస్తానని అప్పట్లో పెద్ద ఎత్తున గొడవ చేశారు. కానీ చంద్రబాబు నాయుడు బుజ్జగింపు కారణంగా పవన్ కళ్యాణ్ కు మద్దతు తెలిపి పవన్ కళ్యాణ్ కు అఖండమైన విజయాన్ని అందించారు.

ఇక వర్మ కూడా త్వరలోనే రాజకీయాలలో చక్రం తిప్పబోతున్నారని తెలుస్తోంది. ఎన్నికలకు ముందు ఇద్దరు వైసీపీ ఎమ్మెల్సీలు సి రామచంద్రయ్య, మహమ్మద్ ఇక్బాలు ఎన్నికల కంటే ముందు తెలుగుదేశం పార్టీలోకి వెళ్లడం జరిగింది. అయితే దీనిపై సీరియస్ అయిన సీఎం జగన్ మోహన్ రెడ్డి…ఆ ఇద్దరు ఎమ్మెల్సీలపై వేటు వేశారు. ఈ వేటుపై స్పీకర్ కూడా స్పందించి… ఇద్దరు ఎమ్మెల్సీలపై అనర్హత వేటు పడింది.

ఈ క్రమంలోనే ఖాళీగా ఉన్న ఈ ఎమ్మెల్సీ పదవులకు త్వరలోనే ఎన్నికలు జరగబోతున్నాయి. ఈ ఎన్నికలు ఎమ్మెల్యే కోటాలో జరిగే ఎమ్మెల్సీ ఎన్నికలు. ప్రస్తుతం తెలుగుదేశం కూటమికి 164 ఎమ్మెల్యేలు ఉన్నారు.  రెండు ఎమ్మెల్సీ ఎన్నికలను తెలుగుదేశం కూటమి సొంతం చేసుకోబోతుంది.

ఎమ్మెల్సీగా వర్మ..
ఈ లెక్క ప్రకారం ఈ ఎన్నికల్లో వైసీపీపార్టీ అసలు పోటీ చేయకపోవచ్చు. అయితే ఈ రెండు ఎమ్మెల్సీ ఎన్నికల్లో… ఒకటి పిఠాపురం వర్మకు ఇచ్చేందుకు రంగం సిద్ధం చేశారట. వర్మకు ఎమ్మెల్యే టికెట్ ఇవ్వకపోవడంతో ఇలా ఎమ్మెల్సీ టికెట్ ఇచ్చి తనను ఎమ్మెల్సీగా శాసనసభకు పంపించబోతున్నారని తెలుస్తోంది. ఏది ఏమైనా జగన్ వారిపై అనర్హత వేటు వేయడం వర్మకు ఇలా కలిసి వచ్చే అంశంగా మారిందని చెప్పాలి.

YS Sharmila: రుషికొండ ప్యాలెస్ వివాదం పై స్పందించిన వైఎస్ షర్మిల.. నిజాలు తేల్చాలంటూ?

YS Sharmila: వైయస్ షర్మిల ఇటీవల మీడియా సమావేశంలో పాల్గొన్నారు. అయితే ఈ మీడియా సమావేశంలో భాగంగా ఈమెకు ఎన్నో ప్రశ్నలు ఎదురయ్యాయి. ఈ క్రమంలోనే రుషికొండ ప్యాలెస్ వివాదం గురించి కూడా తనకు ప్రశ్నలు ఎదురయ్యాయి. వైయస్ జగన్మోహన్ రెడ్డి అధికారంలో ఉన్నప్పుడు రుషి కొండ ప్యాలెస్ 500 కోట్లతో నిర్మించారు అయితే ఇదంతా కూడా ప్రభుత్వ ధనం కావటం గమనార్హం.

ఇకపోతే గత మూడు రోజులుగా తెలుగుదేశం పార్టీ నాయకులు వారి అనుబంధ మీడియా సంస్థలు ఋషికొండ ప్యాలెస్ జగన్మోహన్ రెడ్డి తన సొంత లాభం కోసం కట్టుకున్నారని ప్రజాధనాన్ని దుర్వినియోగం చేశారంటూ పెద్ద ఎత్తున ప్రచారాలు చేస్తున్నారు. ఈ తప్పుడు ప్రచారాలను వైసీపీ నేతలు పూర్తిగా ఖండిస్తూ అది ప్రభుత్వ భవనాలు అని ఇప్పుడు అధికారంలో ఉన్న ప్రభుత్వం వాటిని ఏ విధంగా అయినా ఉపయోగించుకునే హక్కు వారికి ఉందని తప్పుడు వార్తలను ఖండిస్తున్నారు.

ఈ క్రమంలోనే వైయస్ షర్మిల సైతం రుషికొండ భవనాల గురించి మాట్లాడుతూ చేసిన కామెంట్స్ వైరల్ అవుతున్నాయి. రుషికొండ ప్యాలెస్‌ కోసం ప్రజల సొమ్ము ఖర్చు పెట్టి ఉంటే అది క్షమించరాని నేరమన్నారు షర్మిల. రుషికొండ ప్యాలెస్‌ను ఎందుకోసం నిర్మించారో ప్రజలకు తెలియాలన్నారు.
క్షమించరాని నేరం..

ఇక ఒక అడుగు ముందుకేసి రుషికొండ ప్యాలెస్‌ నిర్మాణంపై సిట్టింగ్ జడ్జితో విచారణ జరిపించి నిజానిజాలు బయటపెట్టాలని ఈమె తెలియజేశారు ఒకవేళ ఇది తప్పని రుజువైతే బాధ్యులపై చర్యలు తీసుకోవాలన్నారు. ఇక వైసీపీ దాదాపు 8 లక్షల కోట్ల అప్పు చేసిందని.. విచ్చలవిడిగా ఖర్చు చేసిందని షర్మిల ఆరోపణలు చేశారు.

JC Diwakar Reddy: ఏపీ నెక్స్ట్ సీఎం లోకేష్.. చంద్రబాబు పదవి పై జెసి దివాకర్ రెడ్డి సంచలన వ్యాఖ్యలు!

JC Diwakar Reddy: తాడిపత్రి మాజీ ఎంపీ జేసీ దివాకర్ రెడ్డి తాజాగా మీడియా సమావేశంలో మాట్లాడుతూ చేసిన కామెంట్స్ వైరల్ అవుతున్నాయి. ప్రస్తుతం ఏపీ ముఖ్యమంత్రిగా అధికారంలో ఉన్నటువంటి చంద్రబాబు నాయుడు త్వరలోనే తన పదవికి రాజీనామా చేయబోతున్నారన్న ఉద్దేశంతో ఈయన మాట్లాడారు.

ఇక చంద్రబాబు నాయుడు తన పదవి నుంచి తప్పుకుంటే లోకేష్ ముఖ్యమంత్రి కాబోతున్నారని ఈయన వెల్లడించారు. చంద్రబాబు నాయుడు ప్రస్తుతం అధికారంలో ఉన్నారు. అయితే ఐదు సంవత్సరాల పాటు ఏదైనా ముఖ్యమంత్రిగా కొనసాగకపోవచ్చు అంటూ ఈయన తెలియజేశారు.

ఇక ఈయన దేశ రాజకీయాలపై ఆసక్తి చూపుతారా లేకపోతే పదవికి రాజీనామా చేస్తారా తెలియదు కానీ ఈయన మాత్రం ఐదు సంవత్సరాలు సీఎంగా కొనసాగలేరని తర్వాత తన కొడుకు నారా లోకేష్ ను ముఖ్యమంత్రి చేస్తారని దివాకర్ రెడ్డి తెలిపారు. చంద్రబాబు తనంతట తాను పదవి నుంచి తప్పుకోవాలి కానీ ఆయనని ఎవరూ కూడా అధికార పీఠం నుంచి దింపలేరని జెసి దివాకర్ రెడ్డి వెల్లడించారు.

లోకేష్ సీఎం..
చంద్రబాబు ఆలోచన పరుడని, ప్రజలకు, రాష్ట్రానికి అన్యాయం చేయడని పేర్కొన్నారు. రాష్ట్రం గురించి ఎప్పుడూ ఆలోచిస్తూనే ఉంటారని జేసీ దివాకర్ రెడ్డి చేసిన ఈ కామెంట్స్ వైరల్ అవుతున్నాయి. ఐదు సంవత్సరాల కాలంలో రెండున్నర సంవత్సరం చంద్రబాబు నాయుడు రెండున్నర సంవత్సరం లోకేష్ ముఖ్యమంత్రిగా కొనసాగుతారా అనేది తెలియాల్సి ఉంది.