Chandra Babu Naidu: వైసీపీకి వచ్చేది 35 సీట్లే.. మొదటిసారి స్పందించిన చంద్రబాబు?

Chandra Babu Naidu: ఏపీ ఎన్నికల ఫలితాలు మరొక నాలుగు రోజులలో తెలియనున్నాయి. ఈ క్రమంలోనే ఎన్నికల ఫలితాలపై సర్వత్రా ఆసక్తి నెలకొంది. అయితే ఎన్నికలు పూర్తికాగానే తమ ఫ్యామిలీలతో కలిసి నేతలందరూ కూడా పర్యటనలకు వెళ్లారు. అయితే ఒక్కొక్కరుగా తిరిగి ఇండియా చేరుకుంటున్నారు. ఈ క్రమంలోనే తన భార్యతో కలిసి అమెరికా పర్యటన వెళ్లినటువంటి తెలుగుదేశం పార్టీ అధినేత చంద్రబాబు నాయుడు తిరిగి హైదరాబాద్ చేరుకున్నారు.

ఇక ఈయన హైదరాబాద్ రావడంతో పెద్ద ఎత్తున నేతలు అభిమానులు కార్యకర్తలు ఆయనకు ఘనస్వాగతం పలికారు. ఇక హైదరాబాద్ చేరుకున్నటువంటి చంద్రబాబు నాయుడు పార్టీ ముఖ్య నేతలతో కలిసి కీలక సమావేశాన్ని నిర్వహించారు. ఈ కార్యక్రమంలో భాగంగా ఆయన నేతలకు కార్యకర్తలకు కొన్ని సలహాలు సూచనలు ఇచ్చారు.

ఎన్నికల ఫలితాలు రోజు ప్రతి ఒక్కరు కూడా చాలా అప్రమత్తంగా ఉండాలని తెలిపారు. వైసీపీ నేతలు చేసే దాడులను ఎదుర్కోవాలని వారి కుట్రలను ఖండించాలని తెలిపారు. కౌంటింగ్ కేంద్రాల వద్ద ప్రతి ఒక్కరు అప్రమత్తంగా ఉండాలని తెలిపారు. అంతేకాకుండా మొదటిసారి ఈయన ఎన్నికల ఫలితాల గురించి కూడా స్పందించారు.

అప్రమత్తంగా ఉండాలి..
జూన్ 4వ తేదీ వెలువడే ఫలితాలలో కూటమి అధికారంలోకి వస్తుందని తెలిపారు.. జనసేన, బీజేపీ పొత్తు కలిసి వచ్చిందని, ప్రజలందరూ కార్యకర్తలందరూ కూడా ఎంతో అద్భుతంగా పనిచేశారని ఈయన ప్రశంసలు కురిపించారు. ఇక ఎన్నికల ఫలితాలలో వైసీపీ కేవలం 35 సీట్లకు మాత్రమే పరిమితం కాబోతుందని ఈ సందర్భంగా బాబు చేసిన కామెంట్స్ వైరల్ అవుతున్నాయి.