Nagababu: వైసీపీ కవ్వింపు చర్యలకు స్పందించవద్దు…పిలుపునిచ్చిన నాగబాబు!

Nagababu: ఏపీ ఎన్నికల ఫలితాలు మరో నాలుగు రోజులలో తెలియనున్నాయి. ఈ క్రమంలోనే అధికారం ఎవరికి సొంతం అనే విషయంపై సర్వత్రా ఆసక్తి నెలకొంది. ఇక ఎన్నికల ఫలితాలు త్వరలోనే రానున్న నేపథ్యంలో పర్యటనలకు వెళ్లినటువంటి నేతలందరూ కూడా తిరిగి సొంత రాష్ట్రానికి చేరుకుంటున్నారు. అలాగే కౌంటింగ్ రోజున ఎలాంటి అల్లర్లకు తావు లేకుండా అన్ని భద్రతా చర్యలను కూడా తీసుకుంటున్నారు.

ఇలా కౌంటింగ్ కు మరి కొద్ది రోజుల సమయం మాత్రమే ఉన్న నేపథ్యంలో సినీ నటుడు నాగబాబు కూటమి కార్యకర్తలకు పలు సలహాలు సూచనలు చేస్తూ సోషల్ మీడియా వేదికగా చేసినటువంటి పోస్ట్ వైరల్ అవుతుంది.X వేదికగా నాగబాబు స్పందిస్తూ వైసీపీ కవ్వింపు చర్యలకు ఎవరు స్పందించ వద్దని పిలుపునిచ్చారు.

ఓటమి భయంతోనే వైసిపి దాడులు చేయడానికి సిద్ధంగా ఉందని ఈయన తెలిపారు. ఇలాంటి సమయంలోనే కూటమి, కార్యకర్తలు జనసైనికులు కూడా సమయమనం పాటించాలని తెలిపారు. వైసీపీ పరాజయం అంచుల్లో ఉంది. ఓట్లు లెక్కింపు నాడు ఏ విధమైనటువంటి దాడులకు పాల్పడకుండా ఎన్నికల అధికారులకు సహకరిద్దామని తెలిపారు.

అధికారంలోకి కూటమి..
ఎవరు కూడా వైసిపి నేతలు కార్యకర్తలు కవ్వింపు చర్యలకు ప్రతిస్పందించవద్దు.. మనం ప్రజాస్వామ్యాన్ని గౌరవిద్దాం, కచ్చితంగా కూటమి ప్రభుత్వం ఏర్పడబోతుందని నాగబాబు ఈ సందర్భంగా చేసినటువంటి పోస్ట్ సోషల్ మీడియాలో వైరల్ గా మారింది.