నిహారికకు శుభాకాంక్షలు తెలిపిన చిరంజీవి.. కారణం ఏంటో తెలుసా..?

మెగా డాటర్ నిహారకకు మెగస్టార్ చిరంజీవి శుభాకాంక్షలు తెలిపారు. కారణం ఏంటో తెలుసా.. పూర్తి వివరాల్లోకి వెళ్తే.. మెగా డాటర్ నిహారిక గురించి ప్రత్యేకంగా చెప్పాల్సిన పనిలేదు. మెగా ఫ్యామిలీ నుంచి వారసురాలిగా ఇండస్ట్రీలోకి ఎంట్రీ ఇచ్చి తన నటనతో ప్రత్యేక గుర్తింపు ఏర్పుర్చుకుంది. యాంకరింగ్‏తో కెరీర్ స్టార్ట్ చేసిన నిహారిక హీరోయిన్‏గానూ వెండితెరపై తన సత్తా చాటింది. అటు హీరోయిన్‏గా పలు సినిమాల్లో నటిస్తన్న సమయంలోనే వెంకట చైతన్యతో వివాహం జరిగింది.

ఈ పెళ్లి వేడుకను రాజస్థాన్‌లోని ఉదయ్‌పూర్‌లో ఘనంగా జరిపించిన విషయం తెలిసిందే. అయితే ఆమెకు వివాహం అయిన తర్వాత సినిమాలకు దూరంగా ఉంటూ వస్తున్నారు. దానికి కారణం కూడా ఆమె ఓ ఇంటర్వ్యూలో చెప్పకొచ్చారు. తన భర్తకు ఇష్టం లేకనే తాను సినిమాల్లోకి రావడం లేదని చెప్పింది. వివాహం అనంతరం కూడా నిహారిక వెబ్ సిరీస్ చేస్తూ ఉంది.

అందులో నటించడంతో పాటు సొంతంగా నిర్మిస్తుంది కూడా. తాజగా ఆమె ఇటీవల రూపొందించిన వెబ్ సిరీస్ ‘ఒక చిన్న ఫ్యామిలీ స్టోరీ’. ఈ వెబ్ సిరీస్ జీ 5లో ట్రెండింగ్ లో దూసుకపోతోంది. ఈ సిరీస్ ప్రతీ ఒక్కరిని కట్టిపడేసింది. సగటు మధ్య తరగతి కుటుంబంలో ఎలాంటి పరిస్థితులు ఉంటాయో.. కళ్లకు కట్టినట్లు చూపించారు. ఇటీవల ఈ వెబ్ సిరీస్ చూసిన మెగస్టార్ చిరంజీవి.. నిహారికకు శుభాకాంక్షలు చెప్పారు. ‘‘ఒక చిన్న ఫ్యామిలీ స్టోరీ చూశాను.

ఎంతో ఎంటర్‌టైనింగ్‌గా ఉంది. నిర్మాణంలో తన తొలి ప్రయత్నంలోనే ఇంత హృద్యంగా, వినోదాత్మకంగా తీసి ప్రేక్షకులని మెప్పిస్తున్న కొణిదెల వారి ఆడబడుచు నిహారికకి, ఒక చిన్న ఫ్యామిలీ స్టోరీ టీమ్ అందరికీ నా అభినందనలు. మీరిచ్చిన ఈ స్పూర్తితో తను మరిన్ని జనరంజకమైన చిత్రాలను నిర్మించాలని కోరుకుంటూ.. శుభాకాంక్షలు తెలియజేస్తున్నాను..’’ అని మెగాస్టార్ చిరంజీవి తన ట్వీట్‌లో పేర్కొన్నారు. ఇప్పటికే దీనికి ఆరుకోట్ల నిమిషాల వ్యూస్ వచ్చినట్లు జీ5 వర్గాలు వెల్లడించాయి. ప్రస్తుం ఈ ట్వీట్ తెగ వైరల్ అయిపోయింది.