Chiranjeevi: చిరు గొప్పతనాన్ని బయటపెట్టిన గాడ్ ఫాదర్ డైలాగ్ రైటర్ లక్ష్మి భూపాల.. ఏమన్నారంటే?

Chiranjeevi: మెగాస్టార్ చిరంజీవి తాజాగా నటించిన చిత్రం గాడ్ ఫాదర్. లూసిఫర్ సినిమాకి రీమేక్ చిత్రంగా ప్రేక్షకుల ముందుకు వచ్చిన ఈ సినిమా ఎంతో అద్భుతమైన విజయాన్ని అందుకుంది. ఇక ఈ సినిమాలో ఎంతోమంది స్టార్ సెలబ్రెటీలు నటించారు. ఇకపోతే ఈ సినిమా మంచి విజయం కావడంతో ఈ సినిమాకు డైలాగులు రాసిన డైలాగ్ రైటర్ లక్ష్మీ భూపాల ఓ ఇంటర్వ్యూలో పాల్గొన్నారు.

ఈ ఇంటర్వ్యూ సందర్భంగా ఈయన ఎన్నో ఆసక్తికరమైన విషయాలను తెలియజేశారు. ముఖ్యంగా చిరంజీవి గారి గురించి మాట్లాడుతూ గత కొన్ని దశాబ్దాల నుంచి మెగాస్టార్ చిరంజీవి గారు ఎంతోమందికి స్ఫూర్తి, ఆయనని ఎంతోమంది ఆదరిస్తున్నారని తెలిపారు.సాధారణంగా ఎవరు ఎలాంటి పని చేసిన ఆ పనిపై ఇష్టంతో అయినా చేస్తారు లేదంటే ఆకలితో ఆయన చేస్తారు కానీ చిరంజీవి గారు మాత్రం ప్రేమతో ఇష్టంతో చేస్తారని తెలిపారు.

ఇక గాడ్ ఫాదర్ సినిమాకు డైలాగులు రాసిన ఈయన చిరంజీవి గురించి మాట్లాడుతూ నేను రాసిన డైలాగులు మెగాస్టార్ గారికి కనుక నచ్చితే ఆయన సెట్ లో ఉన్న వారందరిని పిలిచే ఆ డైలాగులు వినిపిస్తారని ఈ సందర్భంగా తెలియజేశారు.ఇలా ఇండస్ట్రీలో ఎంతో అనుభవం ఉన్నటువంటి చిరంజీవి గారు ఇప్పటికీ ఏదో ఒకటి కొత్తగా నేర్చుకోవాలని తపన పడుతుంటారని లక్ష్మి భూపాల వెల్లడించారు.

Chiranjeevi: చిరంజీవి ఇష్టం.. ప్రేమతో సినిమా చేస్తారు

ఇక మనం చిరంజీవి గారికి పేజీల కొద్ది డైలాగులు రాసిచ్చిన అవి పర్ఫెక్ట్ గా వచ్చేవరకు ఆయన ప్యాకప్ చెప్పరని చాలామంది డబ్బింగ్ దగ్గర అడ్జస్ట్ చేసుకోవచ్చని భావిస్తారు. కానీ చిరంజీవి గారి దగ్గర అలాంటివి కుదరవని తెలిపారు. డైలాగ్ పూర్తి అయిన తర్వాత తనని అడుగుతారని పర్వాలేదు సార్ అని చెప్పినా కూడా వన్ మోర్ అంటూ ఆ డైలాగ్ పర్ఫెక్ట్ గా వచ్చేవరకు ఆయన కృషి చేస్తారని ఇలా పనిపై ఉన్న పట్టుదలే ఆయనని గత కొన్ని దశాబ్దాల నుంచి ఇండస్ట్రీలో కొనసాగేలా చేస్తుందని ఈ సందర్భంగా లక్ష్మి భూపాల మెగాస్టార్ గురించి ఆసక్తికరమైన విషయాలు వెల్లడించారు