Chiranjeevi: చిరంజీవి సినీ కెరియర్ లో కొన్ని కారణాలవల్ల ఆగిపోయిన సినిమాలివే?

Chiranjeevi:టాలీవుడ్ మెగాస్టార్ చిరంజీవి నేడు పుట్టినరోజు జరుపుకోవడంతో పెద్ద ఎత్తున అభిమానులు సెలబ్రిటీలు ఆయనకు పుట్టినరోజు శుభాకాంక్షలు తెలియజేస్తున్నారు.పుట్టినరోజు కావడంతో ఈయన సినిమాలకు సంబంధించిన అప్డేట్స్ విడుదల చేయడమే కాకుండా ఎంతోమంది మెగాస్టార్ చిరంజీవి సినిమాలకు సంబంధించిన ఎన్నో విషయాలను ఈ సందర్భంగా గుర్తు చేసుకుంటున్నారు.ఇకపోతే మెగాస్టార్ చిరంజీవి ఎన్నో సినిమాలలో నటించినప్పటికీ ఈయన కూడా కొన్ని కారణాలవల్ల కమిట్ అయి సినిమాలను వదులుకున్నారు. మరి ఆ సినిమాలేంటో ఓ లుకేద్దాం…

వినాలని ఉంది: రాంగోపాల్ వర్మ దర్శకత్వంలో చిరంజీవి, టబు, ఊర్మిళ హీరో హీరోయిన్లుగా ప్రారంభమైన ఈ సినిమా కొంత షూటింగ్ జరుపుకొని మధ్యలోనే ఆగిపోయింది.

అబూ బాగ్ధాద్ గజదొంగ:  సురేష్ కృష్ణ దర్శకత్వంలో చిరంజీవి హీరోగా ‘అబూ బాగ్దాద్ గజదొంగ’ సినిమా భారీ బడ్జెట్ తో చేయాలని భావించారు. అయితే ఈ సినిమా కూడా మధ్యలోనే ఆగిపోయింది.

వజ్రాల దొంగ: కోదండరామిరెడ్డి దర్శకత్వంలో శ్రీదేవి చిరంజీవి జంటగా ప్రారంభమైన ఈ సినిమా చేయాలని అనుకున్నారు. అయితే ఏం జరిగిందో తెలియదు కానీ ఇది కూడా ఆగిపోయింది.

ఇద్దరు పెళ్ళాల కథ:కోదండరామిరెడ్డి దర్శకత్వంలోనే చిరంజీవి హీరోగా ఈ సినిమా చేయాలని అనుకున్నారు అయితే స్క్రిప్ట్ ఫైనల్ కాకపోవడంతో ఈ సినిమా పక్కకు తప్పుకుంది.

వీఎన్ ఆదిత్య: మనసంతా నువ్వేనేనున్నాను వంటి సినిమాలతో బ్లాక్ బస్టర్ కొట్టిన దర్శకుడు విఎన్ ఆదిత్య మెగాస్టార్ సినిమా చేయాలనుకున్నారు అయితే కథ ఫైనల్ కాకపోవడంతో ఈ సినిమా క్యాన్సిల్ అయింది.

భూలోక వీరుడు: భైరవద్వీపం ఆదిత్య 369 వంటి సినిమాలు చేసిన సింగీతం శ్రీనివాస్ చిరంజీవితో భూలోక వీరుడు తీయాలనుకున్నారు. సినిమా మొదలు పెట్టిన తర్వాత ఈ సినిమా షూటింగ్ మధ్యలో ఆగిపోయింది.

 

ఆంధ్రావాలా: పూరి ఎన్టీఆర్ కాంబినేషన్లు వచ్చిన ఈ సినిమా ముందుగా చిరంజీవికే అవకాశం ఇచ్చారు. అయితే మెగాస్టార్ ఈ సినిమాని కొన్ని కారణాలవల్ల వద్దన్నారు.

Chiranjeevi: రీ ఎంట్రీ పూరితో ప్లాన్ చేసిన మెగాస్టార్…

ఆటో జానీ: చిరంజీవి 150 సినిమాగా పూరి జగన్నాథ్ దర్శకత్వంలో ఆటో జానీ సినిమా చేయాలని భావించారు. అయితే కొన్ని కారణాల వల్ల ఈ సినిమా ఆగిపోయింది. ఈ సినిమాలతో పాటు శాంతినివాసం, వడ్డీ కాసుల వాడు, వంటి పలు సినిమాలు కూడా చిరంజీవి మధ్యలోనే వదులుకున్నారు.