CI Swarnalatha : సీఐ స్వర్ణలత కేసులో ట్విస్టులు… సినిమాలో హీరోయిన్ గా కూడా…!

CI Swarnalatha : ప్రస్తుతం సోషల్ మీడియాలో వినిపిస్తున్న పేరు విశాఖ సీఐ స్వర్ణలత. పోలీస్ అధికారిని అనగానే ఏదో కేసులో విరోచితంగా దుర్మార్గులను పటుకుందని కర్తవ్యం సినిమాలో విజయశాంతి లాగా ఊహించుకుంటే పొరపాటే. మేడం గారు రెండు వేల రూపాయల నోటు మార్పిడి కేసులో అక్రమాలకు పాల్పడి ప్రస్తుతం దొరికిపోయింది. అయితే ఏదో లంచం కోసం కక్కుర్తి పడిందిలే ఇందులో వింతేముంది అనుకుంటే పొరపాటే. మేడం ఏకంగా సినిమాలో హీరోయిన్ గా చేయాలని ఒక సినిమా కూడా స్టార్ట్ చేసింది. అదే ఇపుడు సోషల్ మీడియాలో హాట్ టాపిక్ గా మారింది. నెటిజన్స్ అంతా మేడం సార్ మేడం అంతే అంటూ కామెంట్స్ చేస్తున్నారు.

చిరు ప్రయత్నం అంటూ డాన్సులు…

సీఐ స్వర్ణలత విషయంలో రెండు వేల రూపాయల నోట్ల మార్పిడి ఉదంతం బయటికి రావడంతో ఆమె లీలలు మరిన్ని బయటికి వస్తున్నాయి. మేడం పోలీస్ అధికారిగా కంటే కూడా సినిమాల్లో హీరోయిన్ అవ్వాలనే ఇష్టం ఎక్కువగా ఉండటంతో ఒక ప్రజాప్రతినిధి నువ్వు హీరోయిన్ లా ఉంటావ్ సినిమా చేద్దాం డాన్సలు నేర్చుకో అని చెప్పడంతో ఒక కొరియోగ్రాఫర్ ను కూడా మాట్లాడేసుకుని మేడం డాన్సులు నేర్చుకుంది. ప్రస్తుతం మేడం వైరల్ అవడంతో ఆమెకు సంబంధించిన డాన్స్ వీడియోలు బాగా వైరల్ అవుతున్నాయి.

మేడం పోలీస్ ఆఫీసర్ గా ఒక సినిమాలో మెయిన్ లీడ్ కూడా చేస్తోంది. ‘ఏపీ 31’ అనే క్రైమ్ లవ్ థ్రిల్లర్ హీరోయిన్ గా చేస్తున్న ఈమెకు సంబంధించిన పోస్టర్ కూడా బయటికి వచ్చింది. గతంలో ఇద్దరు ఆర్మీ అధికారుల వద్ద డబ్బు తసుకుని వారికే టోకరా వేసింది. గతంలోనూ ఎన్నో అక్రమాలకు పాల్పడిన స్వర్ణలత మీద కేసు నమోదు కాకుండా ఒక అధికార పార్టీకి చెందిన ప్రజాప్రతినిధి అడ్డుకుంటున్నట్లు తెలుస్తోంది.