Kirak RP: అనసూయ రష్మీ ఇద్దరు అలాంటి వాళ్లే.. వారి బండారం బయటపెట్టిన ఆర్పీ?

Kirak Rp: కిరాక్ ఆర్పి పరిచయం అవసరం లేని పేరు జబర్దస్త్ కార్యక్రమంలో కమెడియన్ గా కొనసాగినటువంటి ఈయన కొన్ని కారణాలు వల్ల జబర్దస్త్ కార్యక్రమం నుంచి బయటకు వచ్చారు. ఇలా జబర్దస్త్ నుంచి బయటకు వచ్చినటువంటి ఆర్పీ ప్రస్తుతం నెల్లూరు పెద్దారెడ్డి చేపల పులుసు రెస్టారెంట్ బిజినెస్ ప్రారంభించి ఎంతో మంచి సక్సెస్ అందుకున్నారు.

ఇక ఈయన జబర్దస్త్ కార్యక్రమాన్ని వదిలి రావడానికి ఎన్నో కారణాలను చెప్పారు మల్లెమాల వారితో తనకు విభేదాలు ఉన్నాయని అక్కడ ఉన్నటువంటి వారికి సరైన ఫుడ్ ఇవ్వరని పేమెంట్ కూడా సరిగా ఇవ్వరు అంటూ ఎన్నో విమర్శలు చేసిన సంగతి తెలిసిందే. తాజాగా ఒక ఇంటర్వ్యూలో పాల్గొన్నటువంటి ఈయన జబర్దస్త్ యాంకర్లుగా కొనసాగుతూ ఉన్నటువంటి అనసూయ రష్మి గురించి సంచలన వ్యాఖ్యలు చేశారు.

అనసూయ జబర్దస్త్ కార్యక్రమంలో యాంకర్ గా ఎంతో మంచి సక్సెస్ అందుకున్నారు ప్రస్తుతం ఈమె సినిమాల పరంగా ఇండస్ట్రీలో బిజీగా ఉన్నారు. ఇక రష్మీ ఇప్పటికి ఎక్స్ట్రా జబర్దస్త్ కార్యక్రమానికి యాంకర్ గా కొనసాగుతున్న సంగతి మనకు తెలిసిందే. తాజాగా వీరిద్దరి గురించి ఆర్పీ మాట్లాడుతూ..

యాంకర్లుగా సక్సెస్ అయ్యారు..
రష్మీ అప్పటి వరకు ఉన్న యాంకర్స్ స్థాయికి మించిన యాంకర్. ఆమెకు తెలుగు సరిగా రాదు. భాష రాకుండా, తనకొచ్చిన స్లాంగ్ తో సక్సెస్ అయ్యింది. ఆమె తెలుగును కాస్త తెగులు అన్న అందరూ నవ్వుకుంటారని తెలిపారు. ఇక అనసూయ గురించి మాట్లాడుతూ.. యాంకర్ గానే కాకుండా సినిమాల్లో కూడా ప్రత్యేకమైన క్యారెక్టర్స్ తో తన స్థాయిని పెంచుకుంది. ఆమెకు సినిమాలకు కూడా బాగా సెట్ అయ్యింది అంటూ ఆర్పీ చేసిన ఈ కామెంట్స్ వైరల్ అవుతున్నాయి.