Actress Hema: నటి హేమకు బెయిల్ మంజూరు.. షరతులు ఇవే!

Actress Hema: బెంగళూరు రేవ్ పార్టీలో భాగంగా సినీనటి హేమ అరెస్ట్ అయిన సంగతి మనకు తెలిసిందే .ఇలా ఈమె ఈ పార్టీలో పాల్గొనటమే కాకుండా డ్రగ్స్ కూడా తీసుకున్నారనే విషయం తెలియడంతో పోలీసులు ఈమెను అరెస్టు చేశారు. మే 20వ తేదీ ఈ పార్టీలో భాగంగా పలువురు సినీ సెలబ్రిటీలు రాజకీయ నాయకులు కూడా పాల్గొన్నారు.

ఈ పార్టీలో భారీ స్థాయిలో డ్రగ్స్ ఉపయోగించారు అనే విషయం తెలియడంతో పోలీసులు రైడ్ చేశారు. ఇక ఈ పార్టీలో ఈమె పాల్గొనడంతో పోలీసులు తనకు రక్త పరీక్షలు నిర్వహించగా అందులో డ్రగ్ తీసుకున్నట్లు రావడంతో విచారణకు హాజరు కావాలనీ ఆమెకు నోటీసులు పంపినప్పటికీ విచారణకు రాకపోవడంతో పోలీసులు తనని అరెస్టు చేశారు.

ఈనెల 14వ తేదీ వరకు రిమాండ్ పొడిగించినప్పటికీ ఆమెకు షరతులతో కూడిన బెయిల్ మంజూరు చేశారు. ప్రస్తుతం జ్యూడిషియల్ కస్టడీలో భాగంగా పరప్ప అగ్రహార జైలులో ఉన్న ఆమెకు బుధవారం బెయిలు మంజూరు అయింది.బెంగళూరు రూరల్ ఎన్డీపీఎస్ ప్రత్యేక కోర్టు హేమకు షరతులతో కూడిన బెయిల్ మంజూరు చేసింది.

షరతులతో కూడిన బెయిల్..
హేమ నుంచి ఎలాంటి డ్రగ్స్‌ లభించలేదని, చాలా రోజుల తర్వాత వైద్య పరీక్షలు నిర్వహించామని హేమ తరఫు న్యాయవాది మహేష్ కిరణ్ శెట్టి వాదించారు.దీంతో షరతులతో కూడిన బెయిల్ మంజూరు చేయాలని కోర్టు ఆదేశించింది.