Custody Movie: అక్కినేని నాగచైతన్య తాజాగా నటించిన చిత్రం కస్టడీ. ఈ సినిమా మే 12వ తేదీ ప్రేక్షకుల ముందుకు వచ్చి పెద్దగా ప్రేక్షకాదరణ నోచుకోలేకపోయింది. ఈ సినిమా తెలుగు తమిళ భాషలలో విడుదలైన సంగతి మనకు తెలిసిందే. తమిళ డైరెక్టర్ వెంకట్ ప్రభు దర్శకత్వంలో వచ్చిన ఈ సినిమా డిజాస్టర్ టాక్ సొంతం చేసుకుంది.

ఈ చిత్రాన్ని సిల్వర్ స్క్రీన్ పతాకంపై శ్రీనివాస చిట్టూరి ఎంతో ప్రతిష్టాత్మకంగా దాదాపు 40 కోట్ల బడ్జెట్ తోతెరకెక్కించారు. అయితే ఈ సినిమా సుమారు 20 కోట్ల మేరకు నష్టాలను మిగిల్చిందని తెలుస్తుంది. ఈ సినిమా డిజాస్టర్ కావడంతో అక్కినేని అభిమానులు మరోసారి నిరాశ చెందారు. ఈ సినిమా థియేటర్ రన్ పూర్తి చేసుకోవడంతో ఓటీటీలో విడుదలకు సిద్ధమవుతోంది.

ఈ సినిమా డిజిటల్ హక్కులను ప్రముఖ ఓటీటీ సమస్త అమెజాన్ ప్రైమ్ వారు 15 కోట్లకు ఈ సినిమా హక్కులను కొనుగోలు చేశారని తెలుస్తుంది. ఇక ఈ చిత్రాన్ని ఈనెల తొమ్మిదవ తేదీ నుంచి అమెజాన్ ప్రైమ్ లో ప్రసారం చేయడానికి సిద్ధమయ్యారని తాజాగా అధికారిక ప్రకటన చేశారు.

Custody Movie: ఓటీటీ అయినా సక్సెస్ కొట్టేనా…

ఇలా ఈ సినిమా జూన్ 9న విడుదల కావడంతో ఈ సినిమా థియేటర్లో విడుదల అయ్యి నెల కూడా కాకుండానే ఓటీటీలో ప్రసారమవుతుందని తెలుస్తుంది. మరి థియేటర్లో మెప్పించలేకపోయిన ఈ సినిమా ఓటీటీలో అయినా ప్రేక్షకులను మెప్పిస్తుందా లేదా అన్న విషయం తెలియాల్సి ఉంది.