Custody: కస్టడీ సినిమాకు ముందుగా అనుకున్న టైటిల్ ఇది కాదు… అసలు విషయం బయట పెట్టిన నాగచైతన్య!

Custody: అక్కినేని నాగచైతన్య తాజాగా కస్టడీ సినిమా ద్వారా ప్రేక్షకుల ముందుకు రావడానికి సిద్ధమయ్యారు.ఈ సినిమా మే 12వ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.ఈ సినిమా ప్రమోషన్లలో భాగంగా నాగచైతన్య వరుస ఇంటర్వ్యూలకు హాజరవుతున్నారు. అయితే తాజాగా ఒక ఇంటర్వ్యూలో పాల్గొన్నటువంటి చైతన్య ఈ సినిమా టైటిల్ గురించి పలు విషయాలు తెలిపారు.

ఈ సందర్భంగా కస్టడీ సినిమా గురించి మాట్లాడుతూ చిత్ర బృందం ఈ సినిమాకు ముందుగా అనుకున్న టైటిల్ ఇది కాదని తెలిపారు. ఈ సినిమాలో నా పాత్ర పేరు శివ అందుకే ఈ సినిమాకి కూడా శివ అనే టైటిల్ పెట్టాలని డైరెక్టర్ అనుకున్నారు కానీ ఈ టైటిల్ కనక పెడితే ప్రతి ఒక్కరు నాన్న నటించిన శివ సినిమాకు ఈ సినిమాకు పెద్ద ఎత్తున పోలికలు పెడుతూ ఉంటారు అందుకే వద్దని చెప్పాను.

ఇలా పాత సినిమాతో ఈ సినిమాకు పోలికలు ఉండకూడదన్న ఉద్దేశంతోనే శివ టైటిల్ వద్దని చెప్పానని అయితే కస్టడీ అని ఎందుకు పెట్టాము అనేది సినిమా చూస్తే మీకే అర్థమవుతుందని ఈ సందర్భంగా నాగచైతన్య కస్టడీ సినిమా టైటిల్ గురించి చేసినటువంటి ఒక కామెంట్స్ ప్రస్తుతం వైరల్ అవుతున్నాయి. అలాగే ఈ సినిమా గురించి డైరెక్టర్ వ్యవహరించిన తీరు గురించి కూడా ఈయన తెలిపారు.

Custody: కథలో మార్పులు చేయలేదు…

ఈ సినిమా కథ చెప్పేటప్పుడు డైరెక్టర్ వెంకట్ గారు తనకు ఎలా అయితే కథ చెప్పారో సినిమా చేసేటప్పుడు కూడా అలాగే షూట్ చేశారని తెలిపారు.కథ ఒకటి చెప్పి సినిమా ఒకటి చేయలేదని ఎక్కడ కూడా ఎలాంటి మార్పులు చేయలేదని ఈ సందర్భంగా నాగచైతన్య కస్టడీ సినిమా గురించి చెబుతూ ఈ సినిమాపై ఎన్నో అంచనాలు ఉన్నాయని తెలియజేశారు. మరి నాగచైతన్య పెట్టుకున్న అంచనాలకు ఈ సినిమా చేరుతుందా లేదా అనేది తెలియాల్సి ఉంది.