Deepika Padukone: చీరలో బేబీ బంప్ ఫోటోలను షేర్ చేసిన దీపికా… చీర ధర, ప్రత్యేకత ఏమిటో తెలుసా?

Deepika Padukone: దీపికా పదుకొనే ప్రస్తుతం సినిమాలకు కాస్త దూరంగా ఉంటూ తన ప్రెగ్నెన్సీ టైం ఎంతో సంతోషంగా స్పెండ్ చేస్తూ ఉన్నారు. ఈమె ఇటీవల నటించిన కల్కి సినిమా ద్వారా ప్రేక్షకుల ముందుకు వచ్చారు. ఈ సినిమా ఎంతో మంచి సక్సెస్ అందుకుంది. ఇక ఈ సినిమా ప్రమోషన్లలో భాగంగా దీపిక బేబీ బంప్ ఫోటోలు కూడా సోషల్ మీడియాలో పెద్ద ఎత్తున వైరల్ అయ్యాయి.

2018 వ సంవత్సరంలో నటుడు రణవీర్ సింగ్ ను ప్రేమించి పెళ్లి చేసుకున్న ఈమె ఈ ఏడాది తల్లి కాబోతున్నారు. ఇలా తాను ప్రెగ్నెంట్ అనే విషయాన్ని తెలియజేయడమే కాకుండా ఇలా తాను ప్రెగ్నెంట్ అనే విషయాన్ని తెలియజేస్తూ ఈమె ఈ శుభవార్తను అభిమానులతో పంచుకున్నారు. ఇకపోతే తాజాగా ఈమె సోషల్ మీడియా వేదికగా కొన్ని ఫోటోలను షేర్ చేశారు.

పర్పుల్ కలర్ డిజైనర్ శారీలో ఉన్న ఈ ఫోటోలు వైరల్ అవుతున్నాయి. అయితే ఈ చీరలో తన బేబీ బంప్ క్లియర్ గా కనిపించడంతో ఈ ఫోటోలు మరింత వైరల్ అవుతున్నాయి. అయితే ఈ ఫోటోలు అనంత అంబానీ రాధిక మర్చంట్ సంగీత్ వేడుకలో పాల్గొన్నట్టు తెలుస్తుంది. ప్రస్తుతం ఇందుకు సంబంధించిన ఫోటోలు వైరల్ గా మారడంతో అభిమానుల దృష్టి మొత్తం ఆమె ధరించిన చీర పై పడింది.

1.92 లక్షలు..
స్పెషల్ డిజైనర్ తో డిజైన్ చేయించిన ఈ చీర చూడటానికి ఎంతో అద్భుతంగా ఉంది. అయితే ఈ చీరలో చాలా స్పెషాలిటీస్ ఉన్నాయని తెలుస్తోంది. చీర యొక్క ఫాబ్రిక్ ఆర్గాన్జా మరియు జెన్నీ సిల్క్ చే తయారుచేయబడింది. అంతేకాదు ఈ చీర చేతితో ఎంబ్రాయిడరీ చేయగా..దీని తయారీకి దాదాపు 3,400 గంటలు పట్టింది.అందమైన చీరలో ముత్యాలు, జరీ మరియు తీగల అలంకరణలు ఎన్నో ఉన్నాయి. ఇలా భారీ స్థాయిలో డిజైన్ చేసిన ఈ చీర ఖరీదు ఏకంగా లక్ష 92,000 అని తెలిసి అందరూ ఆశ్చర్యం వ్యక్తం చేస్తున్నారు.