పురుషుల్లో అలాంటి సమస్యలకు కారణాలు ఇవే!

ప్రస్తుత కాలంలో ఎక్కువ మంది పురుషులు ఎదుర్కొంటున్న సమస్యలలో అంగం స్పందించకపోవడం ఒక పెద్ద సమస్యగా మారింది. ఒకవేళ అంగం స్తంభించిన ఎక్కువసేపు ఉండకపోవడం వంటి సమస్యలు ఎక్కువగా ఉంటున్నాయి. ఈ విధంగా పురుషులు ఇలాంటి సమస్యను ఎదుర్కొంటున్న తరుణంలో దీని ప్రభావం వారి జీవిత భాగస్వామిపై ప్రభావం చూపే పరిస్థితులు ఏర్పడుతున్నాయి.అయితే పురుషులలో ఎక్కువగా ఇలాంటి సమస్యలు రావడానికి గల కారణాలు ఏమిటో తెలుసుకుందాం…

సాధారణంగా పురుషులు ఎక్కువ భాగం మద్యపానం, ధూమపానం సేవించడం వంటి అలవాట్లు ఉన్న వారిలో ఈ విధమైనటువంటి సమస్యలు అధికంగా ఉంటాయి.ఇలాంటి అలవాట్లు ఉన్న వారిలో రక్తనాళాలు కుంచించుకుపోయి రక్త ప్రసరణ వ్యవస్థ పై ప్రభావం చూపుతుంది. దీంతో అంగంలో ఉండే రక్తనాళాలకు సరైన రక్తప్రసరణ జరగకపోవడం వల్ల అంగస్తంభన జరగదు.

దీర్ఘకాలిక వ్యాధులతో బాధపడేవారు, మానసిక రుగ్మతలు, ఊబకాయం హైపర్ టెన్షన్, గుండె సంబంధిత వ్యాధులు ఉన్నవారిలో ఈ విధమైనటువంటి సమస్య అధికంగా ఉంటుంది.అయితే ఈ సమస్య దీర్ఘకాలికంగా ఉంటున్నప్పుడు వెంటనే వైద్యులను సంప్రదించి పరీక్షలు నిర్వహించుకోవాలి. పురుషులలో వయస్సు పెరిగే కొద్దీ టెస్టోస్టిరాన్ సామర్థ్యం తగ్గిపోతుంది. ఈ విధంగా పురుష లైంగిక హార్మోన్ టెస్టోస్టిరాన్ హార్మోన్ సామర్థ్యం తగ్గిపోవడం వల్ల వారిలో లైంగిక సామర్థ్యం తగ్గిపోతుంది.

ఈ విధమైనటువంటి సమస్యతో బాధపడే పురుషులు ముందుగా వైద్యులను సంప్రదించి సరైన చికిత్స తీసుకోవటం వల్ల అంగస్తంభన తొందరగా ఏర్పడుతుంది. అలాగే ధూమపానం మద్యపానం వంటి చెడు అలవాట్లకు దూరంగా ఉండటం వల్ల ఈ సమస్య నుంచి కొంతమేరకు ఉపశమనం పొందవచ్చు. ఇటువంటి సమస్యతో బాధపడే వారికి ముందుగా మందుల ద్వారా మాత్రమే మెరుగైన చికిత్స అందిస్తారు. అవసరమైతే తప్ప సర్జరీలను నిర్వహించరు కనక ఇలాంటి సమస్యతో బాధపడే వారు ముందుగా వైద్యులను సంప్రదించి వారి సలహాలు తీసుకోవడం ఎంతో మంచిది.