ప్రకాష్ రాజ్ మొదటి భార్య ఎవరో తెలుసా.. రియల్ స్టార్ శ్రీహరి, ప్రకాష్ రాజ్ లు స్వయానా..

నటుడు ప్రకాష్ రాజ్ కు ఏ క్యారెక్టర్ ఇచ్చినా అందులో జీవించేస్తాడు. అంతలా అందులో ఒదిగిపోయి నటించేంత సమర్ధుడు. ప్రస్తుతం అతడు నటుడిగా, దర్శకుడు, నిర్మాతగా సినీ పరిశ్రమలో దూసుకుపోతున్నాడు. తాజాగా జరగబోయే మూవీ ఆర్టిస్ట్స్‌ అసోసియేషన్‌ (మా) అధ్యక్ష ఎన్నికలో కూడా పోటీ చేయనున్నాని ప్రకటించాడు.

అయితే ప్రశాష్ రాజ్ వ్యక్తిగత విషయాలకు వస్తే.. అతడు ఆరు భాషల్లో దాదాపు రెండు వందల సినిమాలకు పైగా నటించాడు. ఈ రోజు వరకు అతడు నాలుగు జాతీయ పురస్కారాల్ని అందుకున్నాడు. డ్యుయెట్ సినిమా అతడికి మంచి గుర్తింపును తెచ్చింది. తర్వాత మణిరత్నం దర్శకత్వంలో వచ్చిన ఇద్దరు చిత్రంలో నటనకు గాను ఉత్తమ సహాయ నటుడిగా జాతీయ పురస్కారం అందుకున్నాడు.

కాంచీవరం చిత్రానికి గాను జాతీయ ఉత్తమ నటుడి పురస్కారం అందుకున్నాడు. ఐదు సార్లు ఫిల్మ్‌ఫేర్ పురస్కారం, ఆరు సార్లు నంది పురస్కారం, తమిళ నాడు రాష్ట్ర పురస్కారాలు, విజయ అవార్డు మూడు సార్లు అందుకున్నాడు. ప్రకాష్ రాజ్ కర్ణాటకకు చెందిన ఒక మధ్య తరగతి కుటుంబంలో 1965, మార్చి 26 న జన్మించాడు. ప్రకాష్ రాజ్ లలిత కుమారిని వివాహం చేసుకున్నాడు.

ఆమె డిస్కో శాంతికి సోదరి. అంటే నటుడు శ్రీహరి, ప్రకాష్ రాజ్ లు తోడు అల్లుళ్లు అన్నమాట. రియ‌ల్ స్టార్‌ శ్రీ‌హ‌రి భార్య శాంత‌కుమారి అలియాస్ డిస్కోశాంతి అన్న విషయం అందరికీ తెలిసిందే. లలిత కుమారి, డిస్కోశాంతి అక్కాచెల్లెళ్లు.

2009 లో వాళ్లిద్దరి మధ్య కలతలు రావడంతో విడాకులు తీసుకున్నారు. ప్రస్తుతము బాలీవుడ్ కు చెందిన నాట్యకారిణి పోనీ వర్మ ను ఆగస్టు 2010 లో రెండో వివాహము చేసుకున్నాడు.