Director Sagar: ప్రముఖ దర్శకుడు సాగర్ కన్నుమూత… విషాదంలో టాలివుడ్!

Director Sagar: టాలీవుడ్ ఇండస్ట్రీలో గత కొంతకాలంగా విషాద ఘటనలు చోటు చేసుకుంటున్నాయి. ఇప్పటికే ఎంతోమంది సినీ ప్రముఖులు మరణించడంతో ఇండస్ట్రీ విషాదంలో మునిగిపోయింది. తాజాగా సీనియర్ దర్శకుడు సాగర్ అనారోగ్య కారణంతో తుది శ్వాస విడిచాడు. ఈయన మరణంతో ఇండస్ట్రీలో విషాదఛాయలు అమ్ముకున్నాయి. గత కొంతకాలంగా అనారోగ్య సమస్యలతో బాధపడుతున్న సాగర్ ఇటీవల చెన్నైలోని ఒక ప్రైవేట్ ఆస్పత్రిలో చికిత్స పొందుతూ ఈరోజు ఉదయం 6:03 నిమిషాలకు తుది శ్వాస విడిచారు.

ఇండస్ట్రీలో ఎన్నో సినిమాలకు దర్శకత్వం వహించి దర్శకుడిగా మంచి గుర్తింపు పొందిన ఈయన మరణించడంతో పలువురు సినీ ప్రముఖులు నివాళులు అర్పించారు. 1983లో విడుదలైన ” రాకాసిలోయ ” అనే సినిమాకి సాగర్ దర్శకత్వం వహించారు. ఈ సినిమాలో నరేష్ విజయశాంతి జంటగా నటించారు. ఆ తర్వాత సూపర్ స్టార్ కృష్ణ హీరోగా నటించిన ” అమ్మ దొంగా ” సినిమా ద్వారా ఆయనకు దర్శకుడిగా మంచి గుర్తింపు లభించింది.

ఇక ఆయన దర్శకత్వం వహించిన
” రామసక్కనోడు ” సినిమాకి మూడు నంది అవార్డులు వరించాయి. ఇండస్ట్రీలో దర్శకుడిగా మంచి గుర్తింపు పొందిన విద్యా సాగర్ రెడ్డి గారు ఇండస్ట్రీలోని దర్శకుల సంఘానికి మూడుసార్లు అధ్యక్షుడిగా ఎన్నికయ్యారు. ప్రస్తుతం ఇండస్ట్రీలో దర్శకులుగా గుర్తింపు పొందిన శ్రీనువైట్ల, వివి వినాయక్ , రవికుమార్ వంటి ఎందరో దర్శకులు ఈయనకు శిష్యులు.

Director Sagar: సంతాపం తెలిపిన సెలబ్రిటీలు…

ఇండస్ట్రీలో ప్రముఖ దర్శకుడిగా గుర్తింపు పొందిన విద్యాసాగర్ రెడ్డి గత కొంతకాలంగా అనారోగ్య సమస్యలతో బాధపడుతూ ఈరోజు ఉదయం ప్రాణాలు కోల్పోయారు. ఈయన మృతితో ఇండస్ట్రీలో విషాద ఛాయలు అలముకున్నాయి. విద్యాసాగర్ రెడ్డి మృతి పట్ల ఆయన శిష్యులతో పాటు పలువురు సినీ ప్రముఖులు సంతాపం తెలియజేస్తున్నారు. అలాగే పలువురు నటీనటులు కూడా సంతాపం తెలియజేస్తూ ఆయన కుటుంబానికి ప్రగాఢ సానుభూతి తెలియజేస్తున్నారు.