Rajamouli: రాజమౌళి డైరెక్టర్ గానే కాదు..నటుడిగా కృష్ణుడి పాత్రలో ఓ సినిమాలో చేశారని తెలుసా?

Rajamouli: తెలుగు చిత్ర పరిశ్రమలో దర్శకుడుగా ఎంతో మంచి గుర్తింపు పొందిన వారిలో రాజమౌళి ఒకరు. కెరీర్ మొదట్లో ఈయన టీవీ సీరియల్స్ డైరెక్టర్ గా పని చేసేవారు. అనంతరం ఎన్టీఆర్ హీరోగా నటించిన స్టూడెంట్ నెంబర్ వన్ సినిమా ద్వారా దర్శకుడిగా పరిచయమైన ఈయన మొదటి సినిమాతోనే ఎంతో మంచి సక్సెస్ అందుకున్నారు. ఇలా దర్శకుడిగా ఎన్నో అద్భుతాలను సృష్టిస్తూ నేడు అంతర్జాతీయ స్థాయిలో గుర్తింపు పొందారు.

ఇలా దర్శకుడిగా తనలో ఉన్న టాలెంట్ మొత్తం బయటపెట్టిన జక్కన్నలో ఒక నటుడు కూడా దాగి ఉన్నారని చాలామందికి తెలియదు. ఇటీవల కాలంలో రాజమౌళి పెద్ద ఎత్తున పలు బ్రాండ్లను ప్రమోట్ చేస్తూ కొన్ని యాడ్ వీడియోలు చేస్తున్నారు. కానీ ఈయన బాల నటుడిగానే ఒక సినిమాలో కృష్ణుడి పాత్ర పోషించారని తాజాగా ఒక వార్త వైరల్ అవుతుంది.

ఈ విషయాన్ని తాజాగా రాజమౌళి తండ్రి విజయేంద్రప్రసాద్ డాక్యుమెంటరీలో తెలియ‌జేశారు.
మరి రాజమౌళి ఏ సినిమాలో కృష్ణుడి పాత్ర పోషించారు ఆ సినిమా ఏంటి అనే విషయానికి వస్తే.. ఆ సినిమా మరి ఏదో కాదు పిల్లనగ్రోవి. కీరవాణి తండ్రి శివ శక్తి దత్తా, విజయేంద్ర ప్రసాద్ కలిసి ఈ సినిమాను ప్రారంభించారు. విజ‌యేంద్ర ప్ర‌సాద్ నిర్మాత కాగా.. శివశక్తి దత్తా డైరక్టర్.

పిల్లలగ్రోవి..
ఈ సినిమా ఓ సాంప్రదాయమైన బ్రాహ్మణ కుటుంబం నేపథ్యంలో చిన్న పిల్లల చుట్టూ తిరుగుతూ పిల్లన గ్రోవి కథ సాగుతుంది. కథకు ప్రాణమైన బాలకృష్ణుడి పాత్రకు బొద్దుగా ఉండే రాజమౌళిని ఎంపిక చేశారు. షూటింగ్ ను కూడా కొంత వ‌ర‌కు పూర్తి చేశారు. ఈ సినిమా షూటింగ్ చేసే సమయంలో బడ్జెట్ ఇష్యూ కారణంగా మధ్యలోనే నిలిపివేశారు. అలా మొదటిసారి రాజమౌళి మొహానికి రంగు వేసుకుని కెమెరా ముందుకు వచ్చారని తెలుస్తుంది.