అనుష్క శర్మ వేసుకున్న డ్రెస్సు ధర ఎంత ఉందో తెలుసా..?

ఐపీఎల్ మ్యాచ్‌లు కేవలం క్రికెట్‌కే పరిమితం కాకుండా, ఫ్యాషన్ హంగులతో కూడా ఆకట్టుకుంటున్నాయి. తాజాగా జరిగిన ఐపీఎల్ మ్యాచ్‌లో బాలీవుడ్ నటి అనుష్క శర్మ తన స్టైల్‌తో మరోసారి చర్చనీయాంశంగా మారింది.

రాయల్ ఛాలెంజర్స్ బెంగళూరు, సన్‌రైజర్స్ హైదరాబాద్ మధ్య జరిగిన ఈ మ్యాచ్‌లో ఆర్‌సీబీ విజయం సాధించగా, స్టాండ్స్‌లో కూర్చున్న అనుష్క తన భర్త విరాట్ కోహ్లీకు ఫ్లయింగ్ కిస్ ఇవ్వడం సోషల్ మీడియాలో వైరల్‌గా మారింది. అయితే, ఈ సన్నివేశం కంటే ఎక్కువగా అందరి దృష్టిని ఆకర్షించింది ఆమె ధరించిన డ్రెస్.

చూడటానికి ఎంతో సాధారణంగా కనిపించిన ఈ అవుట్‌ఫిట్ వెనుక ఖరీదైన బ్రాండ్లు ఉన్నాయని తెలిసి అభిమానులు ఆశ్చర్యపోతున్నారు. అనుష్క ధరించిన పీచ్ కలర్ ఫ్లోరల్ టాప్ ప్రముఖ పారిస్ ఫ్యాషన్ బ్రాండ్ సెజానేకు చెందినది. ఈ టాప్ ధర సుమారు 150 యూరోలు, అంటే భారత కరెన్సీలో దాదాపు రూ.16 వేల పైగా ఉంటుంది. సింపుల్ డిజైన్‌లో వి-నెక్, రఫుల్స్‌తో ఈ టాప్ చాలా ఎలిగెంట్‌గా కనిపించింది.

ఇక ఆమె వేసుకున్న బ్లూ జీన్స్ విషయానికొస్తే, అది శాండ్రో బ్రాండ్‌కు చెందిన ఫేడెడ్ బ్యారెల్ జీన్స్. ఈ జీన్స్ ధర సుమారు 239 పౌండ్లు, అంటే భారత కరెన్సీలో దాదాపు రూ.29 వేల వరకు ఉంటుంది. ఇలా టాప్, జీన్స్ కలిపి సుమారు రూ.46 వేల విలువైన అవుట్‌ఫిట్‌ను అనుష్క ధరించినట్టు తెలుస్తోంది.

కేవలం ఖరీదైన దుస్తులు ధరించడం మాత్రమే కాదు, వాటిని ఎలా స్టైల్ చేయాలో కూడా అనుష్క తన లుక్‌తో చూపించింది. సింపుల్ అవుట్‌ఫిట్‌కు మ్యాచింగ్‌గా గోల్డ్ లేయర్డ్ నెక్లెస్, బ్రేస్‌లెట్, వాచ్, రింగ్స్ వంటి యాక్సెసరీస్‌ను ఎంపిక చేసుకుంది. లైట్ మేకప్, పింక్ లిప్‌స్టిక్‌తో ఆమె లుక్ మరింత ఆకర్షణీయంగా మారింది.

ఈ లుక్ ప్రస్తుతం సోషల్ మీడియాలో వైరల్ అవుతూ, ఫ్యాషన్ ప్రియులలో చర్చకు దారితీస్తోంది. సింపుల్‌గా కనిపించినా, స్టైల్‌లో క్లాస్ ఎలా ఉండాలో అనుష్క మరోసారి నిరూపించింది.