Revanth Reddy: తెలంగాణ రాష్ట్ర రాజకీయాలలో ఎంతో కీలకంగా వ్యవహరిస్తున్నటువంటి టీపీసీసీ చీఫ్ రేవంత్ రెడ్డి గురించి ప్రత్యేకంగా చెప్పాల్సిన పనిలేదు. రాష్ట్ర రాజకీయాలలో ఎంతో చురుగ్గా పాల్గొనే రేవంత్ రెడ్డి శనివారం పెళ్లిరోజు జరుపుకున్నారు.ఈ క్రమంలోనే ఆయన పెళ్లి రోజు సందర్భంగా పెళ్లినాటి ఫోటో ప్రస్తుతం సోషల్ మీడియాలో వైరల్ గా మారింది.
శనివారం నాటికి వీరి పెళ్లి జరిగి 30 సంవత్సరాలు కావడంతో ఈయన పెళ్లయిన కొత్తలో తీసుకున్న ఫోటో ప్రస్తుతం సోషల్ మీడియాలో వైరల్ గా మారింది. ఈ ఫోటోలు బక్కపలచగా ఉన్న రేవంత్ రెడ్డిని చూస్తే టక్కున గుర్తుపట్టలేము. అయితే పెళ్లి రోజు సందర్భంగా రేవంత్ రెడ్డి దంపతుల ఫోటోలను కాంగ్రెస్ పార్టీకి చెందినగ్రేటర్ హైదరాబాద్ కమిటీలో ప్రధాన కార్యదర్శిగా కొనసాగుతున్న దినేశ్ కుమార్‌ ఈ ఫోటోని షేర్ చేశారు.
ప్రస్తుతం ఈ ఫోటో సోషల్ మీడియాలో వైరల్ గా మారింది. ఈ క్రమంలోనే ఆయనకు పెద్ద ఎత్తున అభిమానులు రాజకీయ నాయకులు పెళ్లిరోజు శుభాకాంక్షలు తెలియజేస్తున్నారు. అయితే ఈ ఫోటో తీసుకున్న సమయానికి ఈయనకు రాష్ట్ర రాజకీయాలతో ఏమాత్రం సంబంధం లేకుండా ఆయన జీవితం కొనసాగుతోంది.
ఎమ్మెల్సీగా మొదలైన ప్రస్థానం…
పెళ్లయిన కొన్ని సంవత్సరాలకు ఈయన రాజకీయాలలోకి అడుగుపెట్టారు. ఎమ్మెల్సీగా తన ప్రస్థానం మొదలు పెట్టిన రేవంత్ రెడ్డి రాజకీయాలలో అంచెలంచెలుగా ఎదుగుతూ అనంతరం ఎమ్మెల్యే, ఎంపీగా కూడా కొనసాగారు. ప్రస్తుతం ఈయన ఎంపీగా కొనసాగుతూనే టీపీసీసీ చీఫ్ పదవిలో కొనసాగిస్తున్నారు.