ఒకప్పటి ఈ హీరోయిన్ ని గుర్తుపట్టారా..?! నటి షమితా శెట్టి ఇప్పుడేం చేస్తుందో తెలుసా.?

టాలీవుడ్ టాప్ డైరెక్టర్ కోడి రామకృష్ణ దర్శకత్వం వహించిన “పిలిస్తే పలుకుతా” చిత్రం ద్వారా హీరోయిన్ గా పరిచయమైన షమితా శెట్టి నిజానికి తెలుగులో ఒకే ఒక్క చిత్రం నటించినప్పటికీ తన నటనతో ప్రేక్షకులని బాగానే ఆకట్టుకుంది. ముఖ్యంగా ఈ చిత్రంలోని “మనసా ఒట్టు.. మాటాడొద్దు” అనే పాట నేటికీ మ్యూజిక్ లవర్స్ మనసులలో ఫేవరెట్ సాంగ్ గా నిలిచిపోయింది.

షమితా శెట్టి 1979, ఫిబ్రవరి 2న సురేంద్ర, సునంద దంపతులకు  ముంబైలోని చెంబుర్లో జన్మించింది. ఫ్యాషన్ డిజైనింగ్ లో డిప్లొమా పూర్తి చేసిన షమితా ప్రముఖ బాలీవుడ్  నటి శిల్పా శెట్టి సోదరి అన్న సంగతి ఇప్పటికీ చాలా మందికి తెలియదు. ఈ అమ్మడు తెలుగు, తమిళం, హిందీ, మలయాళం భాషల్లో కలిపి సుమారు 20కి పైగా చిత్రాలలో హీరోయిన్ గా నటించింది. బాలీవుడ్ రొమాంటిక్ మూవీ “మొహబ్బతేన్” చిత్రంతో యువతరం గుండెల్లో గుబులు రేపిన ఈ అందాల తార ఇంత వరకూ పెళ్లెందుకు చేసుకోలేదో అంతుచిక్కని ప్రశ్నగా మారింది. అలాగని ఈ అందాల నటి సినిమాలపై కూడా పెద్దగా దృష్టి పెట్టడం లేదు.

ఒకప్పుడు బాలీవుడ్ లో స్టార్ హీరోయిన్ గా ఎదిగిన శిల్పాశెట్టికి ఏమాత్రం తీసిపోని రేంజ్‌లో బాడీ ఫిట్‌నెస్ మెయింటేన్ చేస్తోంది షమితా శెట్టి. అక్క తరహాలోనే బాలీవుడ్‌ లోకి అడుగుపెట్టిన షమితా వరుసగా సినిమాలు చేస్తూ.. బిగ్ బాస్, జలక్ థికలా జా లాంటి టీవీ షోలలోనూ తళుక్కుమని మెరిసింది. ఇంటీరియర్ డిజైనర్‌గా యానిమల్ లవర్‌గా గుర్తింపు పొందిన షమితా… ఈమధ్య హెల్త్, ఫిట్‌నెస్‌పై ఎక్కువ ఫోకస్ పెడుతోంది. అక్కడ శిల్పా శెట్టి చెబుతున్న ఫిట్ నెస్ ఫార్ములాల్ని ఫాలో అయిపోతూ… తన వయసు 40 దాటుతున్నా.. 30 ప్లస్ బ్యూటీలా కనిపిస్తూ… కుర్రకారుకు కిర్రెక్కిస్తుంది. షమితా శెట్టి ప్రస్తుతం ముంబైలోని తన సొంత ఇంట్లోనే నివాసముంటుందని తెలిసింది. ఈ అందాల తార చేతిలో సినిమా అవకాశాలు లేకపోయినా ప్రముఖ ఫోటో షూట్ సంస్థలు నిర్వహిస్తున్న ఫోటో షూట్ షోలలో పాల్గొంటూ ఫోటోలకు ఫోజులిస్తోంది. అలాగే ఎప్పటికప్పుడు ఈ ఫోటోలను సోషల్ మీడియాలో షేర్ చేస్తూ తన ఫాన్స్ ని అలరిస్తోంది.