Doctor Harshavardhan : చనిపోతానని తెలిసి భార్యకి విడాకులు ఇచ్చి… ఆమెను చదివించాడు…!

Doctor Harshavardhan : 32 ఏళ్లకే క్యాన్సర్ తో పోరాడి మరణించిన డాక్టర్ హర్ష వర్ధన్ తాను మరణించినా తన మరణాన్ని స్వీకరించిన విధానంతోనే అందరినీ కన్నీరు పెట్టిస్తున్నారు. క్యాన్సర్ తో పోరాడుతూ తాను బాధపడుతున్నా తన వారికి మనో ధైర్యాన్ని నింపి మరణించారు. తన అంత్యక్రియలకు తానే అందరినీ పిలిచి మరీ మరణించాడు. జీవితంలో మరణం అందరికీ వస్తుంది కానీ దాన్ని ఎలా స్వీకరిస్తున్నామన్నదానికి కొత్త భాష్యం చెప్పారు హర్ష వర్ధన్. బ్రతికినన్ని రోజులు తన వాళ్లతో మాట్లాడుతూ ఓల్డ్ ఏజ్ హోమ్ లోని ఎంతోమందికి సహాయం చేస్తూ తనవల్ల ఎవరూ ఇబ్బంది పడకుండా జాగ్రత్త పడుతూ ఈ ప్రపంచాన్ని వదిలి వెళ్ళి పోయిన హర్ష వర్ధన్ గారిని తలచుకుంటూ ఆయన స్నేహితులు ఎమోషనల్ అవుతున్నారు.

భార్య బాధ్యత తీసుకున్న హర్ష…

పెళ్ళై కొద్ది నెలలు కూడా అవ్వకనే హర్ష వర్ధన్ కు క్యాన్సర్ అని తెలిసింది. పెళ్ళైన నెలకే వీసా గడువు పూర్తవడంతో ఆస్ట్రేలియా వెళ్లిపోయిన హర్ష వర్ధన్ ఆ తరువాత కరోనా వల్ల ఇండియా రాలేక పోయాడు. తన భార్య సింధు ఆస్ట్రేలియా వెళ్లలేక పోయింది. ఇక ఇంతలోనే హర్ష కు క్యాన్సర్ సోకినట్లు తెలియడంతో డాక్టర్ అవడం వల్ల తన పరిస్థితి ఏంటి అని తెలిసిన హర్ష తన భార్య కోసం ఆలోచించాడు.

ఆమెను విడాకులు తీసుకోవడానికి ఒప్పించాడు. ఆమెతో విడాకులు తీసుకున్నా స్నేహాతులుగా ఉందామని చెప్పి విడాకులు తీసుకుని విడిపోయాడు. అక్కడితో సింధుని వదిలేయక ఆమెకు విడాకుల తరువాత ఇవ్వాల్సినవి ఇచ్చి ఆమె పైచదువులు చదువుకోడానికి అమెరికాలో ఏర్పాట్లు చేసి ఆమెను చదివించాడు. అలా తాను మరణించే ముందు తన వారి కోసం అన్నీ చేసి ఎంతో మనోధైర్యంతో అందరికీ ధైర్యం నింపి శాశ్వతంగా దూరమయ్యాడు హర్ష వర్ధన్.