చెల్లి పెళ్లికి వెళ్తావా.. ఎలా వెళ్తావో నేనూ చూస్తానంటూ అతడి భార్యను ఏం చేశాడో తెలుసా..

చెల్లి పెళ్లికి వెళ్లాల్సిన భార్యను వెళ్లనీయకుండా అడ్డుకుకున్నాడు ఓ భర్త. అక్కడకు వెళ్లకుండా శాడిస్టుల వివిధ చర్యలకు దిగాడు. ఈ ఘటన పూణే లో చోటుచేసుకుంది. అతడు వైద్య రంగంలో ఉన్నాడు. డాక్టర్ గా విధులు నిర్వర్తిస్తున్నాడు. అయితే భార్య పల్లవితో కొంతకాలంగా గొడవ పడుతుండేవాడు. ఆయన భార్యకూడా డాక్టరే కావడం విశేషం.

అయితే ఈ విషయాన్ని పల్లవి మొదటి నుంచి అంతగా పట్టించుకునేది కాదు. ఓ సంఘటన మాత్రం ఆమెను తీవ్రంగా కలచివేసింది. చెల్లెలి పెళ్లికి వెళ్లేందుకు సిద్ధమైన పల్లవిని వద్దని వారించాడు ఆమె భర్త రవి. నువ్వు పెళ్లికి వెళ్లడం నాకు ఇష్టం లేదని తెగేసి చెప్పాడు రవి. అందుకు తాను కూడా అస్సలు అంగీకరించనని.. పెళ్లికి వెళ్లి తీరాల్సిందే అంటూ ఆమె కూడా తెగేసి చెప్పేసింది.

దీంతో రవి కోపం పట్టలేకపోయాడు. ఆమె పెళ్లికి వెళ్లకుండా ఉండేందుకు ఏం చేయాలని ఆలోచించాడు. ఈ క్రమంలోనే ఓ శాడిస్టు ఆలోచన అతడికి తట్టింది. తన భార్య జుట్టు కత్తిరిస్తే పెళ్లికి వెళ్లకుండా ఉంటుందని ఆలోచించాడు. అంతే అనుకున్నదే తడవుగా ఓ కత్తి తీసుకొచ్చి భార్య జుట్టును కత్తిరించేశాడు. దీంతో ఆమె ఈ చర్యకు తీవ్ర కోపంతో ఊగిపోయింది.

రవిపై తీవ్ర కోపంతో అతడిని తిట్టడం మొదలు పెట్టింది. ఇంట్లో ఉన్న ప్రతీ వస్తువును అతడిపై విసిరేయడం చేసింది. అయితే భార్యపై ఇంకా కోపంతో ఉన్న భర్త రవి మరింత రెచ్చిపోయాడు. జుట్టు కత్తిరించిన కత్తితోనే అతడు తన భార్య పొట్టలో పొడిచేశాడు. దీంతో ఆమెకు తీవ్ర గాయాలయ్యాయి. ఆ గాయాలతోనే ఆమె పోలీస్ స్టేషన్‌కు వెళ్లి భర్తపై ఫిర్యాదు చేసింది. దీంతో రవిని పోలీసులు అదుపులోకి తీసుకొని దర్యాప్తు ప్రారంభించారు. తదనంతరం ఆమెను ఆసుపత్రికి తరలించారు.