ఎంజాయ్ చేస్తున్న గజరాజుల ఫ్యామిలీ.. వీడియో వైరల్..!

కొన్ని వీడియోలు సోషల్ మీడియాలో తెగ వైరల్ అవుతుంటాయి. వీటికి వేదికగా ట్విట్టర్, ఫేస్ బుక్, ఇన్ స్టాగ్రామ్ లు ఉంటాయి. అయితే వీటిలో ఎక్కువగా జంతువులకు సంబంధించి వీడియోలు వైరల్ అవుతుంటాయి. వాటికి సమయం దొరికినప్పుడల్లా అవి ఎంజాయ్ చేస్తుంటాయి. ఇటీవలి కాలంలో ఏనుగుకు సంబంధించిన వీడియోలు చాలా కనిపిస్తున్నాయి.

ఏనుగులు నీటిలో సరదాగా గడుపుతుంటే.. వాటిని చూడటానికి ఎంతో ఆనందంగానూ.. ఆశ్చర్యంగాను ఉంటుంది. కొంత మంది సమయం దొరకని వారు సోషల్ మీడియాలో జంతువుల సరదాను చూసి తమ సమయాన్ని గడుపుతారు. భూమిపై అతిపెద్ద జంతువు ఏనుగు.. అత్యంత తెలివైనదిగా ఏనుగును పరిగణిస్తారు. అలాంటి ఏనుగులు అల్లరి చేస్తే ఎలా ఉంటుందో ఈ వీడియోలో చూడొచ్చు.

ఇక్కడ ఏనుగు కుటుంబం ఒక వాలులో దిగుతూ చిన్నపిల్లలా అల్లర్లు చేయడం ప్రారంభించాయి. వీడియోలో మీరు ఏనుగుల కుటుంబం అడవిలో సరదాగా తిరుగుతున్నట్లు చూడవచ్చు. అప్పుడే క్రిందికి వాలు నుంచి జారడం చూస్తాం. మొదట ఏనుగు వాలుపై కూర్చుని కిందికి జారి వస్తుంది. దీని తర్వాత పిల్ల ఏనుగు కూడా అదే పని చేయడానికి ప్రయత్నిస్తాడు.

కానీ అది మధ్యలో ఆగి మళ్లీ పైకి వెళ్లేందుకు ప్రయత్నిస్తుంది. ఇలా జారడం.. మళ్లీ పైకి ఎక్కడం అనేవి ఈ వీడియోలో చూడొచ్చు. ఈ వైరల్ వీడియోను ఇండియన్ ఫారెస్ట్ సర్వీస్ ఆఫీసర్ సుధా రామన్ తన ట్విట్టర్ ఖాతా నుండి సోషల్ మీడియాలో షేర్ చేశారు. దీనితో పాటు ఏనుగు సరదాపై చాలా మంది ఫన్నీ వ్యాఖ్యలు కూడా చేశారు. ఈ వీడియోను నెటిజన్లను విపరీతంగా ఆకట్టుకుంటోంది. ఈ ఫన్నీ వీడియోను తమదైన శైలిలో స్పందిస్తున్నారు.