తెలంగాణ నుంచి తమ సొంత రాష్ట్రాలకు వెళ్లాలనుకునేవారు ఈ పాస్ ఇలా అప్లై చేసుకోండి..

లాక్ డౌన్ కారణంగా తెలంగాణలో ఇరుక్కుపోయి.. తమ రాష్ట్రాలకు వెళ్లలేక ఇబ్బంది పడుతున్న వారికోసం తెలంగాణ ప్రభుత్వం ఈ-పాస్ లు ఇచ్చే కార్యక్రమం చేపట్టింది. అటువంటి వారు ఈ పాస్ కోసం అప్లై చేసుకోవచ్చని తెలంగాణ పోలీసులు తెలిపారు. అందుకు సంబంధించిన సమాచారాన్ని ఈ-పాస్ వెబ్సైట్ (https://tsp.koopid.ai/epass) లోకి వెళ్లి ఈ పాస్ కోసం అప్లై చేసుకోవచ్చని తెలిపారు. అప్లై చేసేముందు తగినంత సమాచారం ఎంటర్ చేసి అప్లై చేయాలని పోలీసులు చెబుతున్నారు. అలా వచ్చిన దరఖాస్తులు తాము పరిశీలించి అంతా సక్రమంగా ఉంటే.. ఈ పాస్ లు జారీ చేస్తామని తెలంగాణ డిజిపి తన ట్విట్టర్ ద్వారా తెలిపారు.

ప్రస్తుత పరిస్థితుల్లో ఈ పాస్ చాలా కీలకంగా మారింది. ఈ పాస్ లేకుండా సరిహద్దులు దాటే అవకాశాలు లేవు. మార్గ మధ్యలో గాని, చెక్ పోస్టుల్లో గాని పోలీసులు అడ్డుకుంటే ఈ పాస్ చూపిస్తే సరిపోతుంది. ఈ కారణంతో ఇప్పటికే చాలా మంది అప్లై చేస్తున్నారని పోలీసులు తెలిపారు. అందువల్ల ఈ వెబ్సైటు కు ట్రాఫిక్ ఎక్కువ రావడంతో ప్రస్తుతం స్ట్రక్ అయింది అని, ఇప్పటికే అప్లై చేసుకున్న వారి సంఖ్య ఎక్కువగా ఉండటం వల్ల కొంత బ్రేక్ ఇస్తున్నట్టు తెలిపారు. రేపటి నుంచి మళ్ళీ అప్లై చేసుకునే ఏర్పాట్లు చేస్తున్నట్టు తెలిపారు.