ఒక ప్రభుత్వ కార్యక్రమం అంటే నాయకులు వచ్చే వరకు వేచి ఉండడం మనం తరచూ చూసే దృశ్యం. కానీ ఒక చోట మాత్రం నిబంధనలు ఎవరికైనా ఒకేలా వర్తిస్తాయని నిరూపించిన సంఘటన ఇప్పుడు సోషల్ మీడియాలో వైరల్‌గా మారింది. ఒక రైలు ప్రారంభోత్సవానికి ఆలస్యంగా వచ్చిన మేయర్‌ను ఎదురుచూడకుండా, రైలు సమయానికి బయలుదేరిపోవడం అందరినీ ఆశ్చర్యపరుస్తోంది.
ఈ ఘటన మెక్సికోలోని జాలిస్కో రాష్ట్రంలో చోటుచేసుకుంది. కొత్త లైట్ రైలు మార్గాన్ని ప్రారంభించేందుకు భారీ ఏర్పాట్లు చేశారు. మీడియా, అధికారులు ప్లాట్‌ఫారమ్‌పై సిద్ధంగా ఉండగా, ఆ కార్యక్రమానికి ముఖ్య అతిథిగా రావాల్సిన మేయర్ మాత్రం కాస్త ఆలస్యమయ్యారు. ఆయన రైలులో మొదటి ప్రయాణం చేయాల్సి ఉండగా, సమయానికి చేరుకోలేకపోయారు.
మేయర్ వస్తున్నారని తెలిసినా, రైలు సిబ్బంది షెడ్యూల్‌ను పాటించారు. తలుపులు మూసిన వెంటనే రైలు కదిలింది. ఇదే సమయంలో ప్లాట్‌ఫారమ్‌పైకి పరుగెత్తుకుంటూ వచ్చిన మేయర్, రైలు ఎక్కేందుకు ప్రయత్నించినా, అప్పటికే ఆలస్యమైంది. తలుపులు తెరచకపోవడంతో ఆయన నిరాశగా చూస్తూ ఉండిపోయారు.
ఈ దృశ్యాన్ని అక్కడ ఉన్న వారు వీడియోగా చిత్రీకరించగా, అది ప్రస్తుతం సోషల్ మీడియాలో వేగంగా వైరల్ అవుతోంది. “నిబంధనలు అందరికీ ఒకటే” అన్న భావనను ఈ ఘటన స్పష్టంగా చూపిస్తోందని నెటిజన్లు కామెంట్లు చేస్తున్నారు. అధికారులైనా, సాధారణ ప్రయాణికులైనా సమయపాలన విషయంలో ఎలాంటి మినహాయింపులు ఉండకూడదని ఈ సంఘటన మరోసారి గుర్తు చేసింది.
హైదరాబాద్, సికింద్రాబాద్ వంటి జంటనగరాల్లోనే కాకుండా విశాఖపట్నం, విజయవాడ, బళ్ళారి, కాకినాడ, గుంటూరు, కర్నూల్, ఒంగోలు, నెల్లూరు, రాజమండ్రి వంటి…
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్‌లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్‌జెమిని (Capgemini) క్యాంపస్‌లో ఉన్న డే కేర్ సెంటర్‌లో చిన్నారిపై జరిగిన అమానుష ఘటన…