మీ ఇంట్లో బొద్దింకలతో ఇబ్బంది పడుతున్నారా.. ఈ చిట్కాలను వాడండి..

కొంతమంది ఇళ్లల్లో బొద్దింకలు చాలా చిరాకును తెప్పిస్తాయి. వాటి కోసం మార్కెట్‌లో దొరికే స్ప్రేల మీద ఎక్కువగా ఆధారపడుతుంటారు. వాటిని వాడినా మళ్లీ అవి వస్తుంటాయి. ఇలా చాలామంది బొద్దింకలతో ఇబ్బంది పడుతుంటారు. ఆ స్ప్రేల ద్వారా కొన్ని అలర్జీలు కూడా వచ్చే అవకాశం ఉందని నిపుణులు హెచ్చరిస్తున్నారు.

అయితే ఇవన్నీ కాకుండా కొన్ని చిట్కాలను ఉపయోగించడం వల్ల వాటి బారి నుంచి తప్పించుకోవచ్చనేది వైద్యులు చెబుతున్నారు. ఎలా అంటే.. బిర్యాని ఆకుల ద్వారా వాటి బెడద నుంచి తప్పించుకోవచ్చు. వాటిని వంటగదిలోని ఓ మూలకు పెడితే.. ఆ వాసనకు దగ్గరకు కూడా రావు. బిర్యాని ఆకులు లేకపోతే మనకు పల్లెటూర్లలో ఎక్కువగా లభించే వేప ఆకులను కూడా ఉంచొచ్చు.

కొన్ని సమయాల్లో వేప నూనె కూడా వాడొచ్చు. ఇలా ప్రతీ మూలకు వాటిని మార్చుతూ ఉంటే బొద్దింకలు అస్సలు రేనే రావు. ఇంకా వాటి బారి నుంచి తప్పించుకోవాలంటే మరో చిట్కా కూడా ఉంది. లవంగాలు కూడా బొద్దింకలను ప్రాలదోలడంలో కీలక పాత్ర పోషిస్తాయి.

వీటి నుంచి వచ్చే వాసన కూడా వాటిని దగ్గరకు రానివ్వకుండా చేస్తాయి. ఇవే కాకుండా ఇంట్లో బోరిక్ పౌడర్ ఉంటే దానికి కొద్దిగా చక్కెరను కలిపి… ఎక్కడైతే ఎక్కువగా బొద్దింకలు తిరుగుతున్నాయని అనుకుంటామో అక్కడ ఓ మూలకు పెట్టాలి. అలా బొద్దింకలు రాకుండా చేసుకోవచ్చు. ఇంటిని ఎంత శుభ్రంగా ఉంచినా అవి వస్తూనే ఉంటాయి. పైన చెప్పిన విధంగా ఇలా కొన్ని చిట్కాలను వాడితే ఎంతో ఉపయోగం ఉంటుంది.