ఆ పని చేస్తే ఇంట్లోనే కరోనా ఉందో లేదో తెలుస్తుందా? నిజమెంత?

కరోనా వైరస్ ను అడ్డుకోవడం కోసం శాస్త్రవేత్తలు, వైద్యాధికారులు నిరంతరం కృషి చేస్తూ ఎన్నో ప్రయోగాలు చేపడుతున్నారు. ఎంతో ప్రమాదకరమైన కరోనా వైరస్ పట్ల ప్రజలకు అవగాహన కల్పిస్తూ ఉంటే.. సోషల్ మీడియా మాత్రం ప్రతి ఒక్క అడ్డమైన వీడియోలను షేర్ చేస్తూ ప్రజలను తప్పుదోవ పట్టిస్తోంది.ఈ విధమైనటువంటి వీడియోలు చూసినా నెటిజన్లు వాటిని అనుసరిస్తూ మరింత ప్రమాదాలను కొని తెచ్చుకుంటున్నారు.

తాజాగా వాట్సాప్ లో “ఊపిరి టెస్ట్” అంటూఒక వీడియో చక్కర్లు కొడుతోంది. ఈ వీడియో ద్వారా మీకు కరోనా ఉందో లేదో ఇంట్లో కూర్చుని చేసుకోవచ్చు. ఇందుకు కేవలం ఊపిరి గట్టిగా బిగబడితే చాలు అంటూ ఓ వీడియో చక్కర్లు కొడుతోంది. ఇరవై ఒక్క నిడివిగల ఈ వీడియోలో మొత్తం నాలుగు పాయింట్లు ఉంటాయి. ముందుగా గట్టిగా శ్వాస తీసుకోవాలి. 2 పాయింట్ A నుంచి B వరకు గట్టిగా ఊపిరి బిగ పట్టాలి. తరువాత శ్వాసను వదలాలి. A నుంచి B వరకు ఊపిరి బిగపట్టుకొని ఉంటే మీకు కరోనా లేదు అని అర్థం. ఈ వీడియో చూసిన ప్రతి ఒక్కరూ ఈ విధంగా ట్రై చేస్తూ తమకు కరోనా లేదంటూ వారికి వారే నిర్ధారించుకున్నారు.

ప్రస్తుతం సోషల్ మీడియాలో చక్కర్లు కొడుతున్న ఈ వీడియోపై అమెరికాకు చెందిన ప్రముఖ వైద్య నిపుణులు డాక్టర్ ఫహీమ్ యునస్ ట్విట్టర్ ద్వారా స్పందించి దీనిలో ఏ మాత్రం నిజం లేదని, ఇలాంటి వాటిని నమ్మి ఎవరు ప్రయత్నించవద్దని తెలిపారు. ఈ వీడియోని చూసి ఊపిరితీసుకోకుండా ఉంటూ మరిన్ని సమస్యలు కొని తెచ్చుకోకండి అని డాక్టర్ ఫహీమ్ తెలిపారు. ఇలాంటి వార్తలు కరోనా కంటే ఎంతో ప్రమాదకరమని ఆయన మరోసారి హెచ్చరించారు.