2017లోనే భూమిపై ఏలియన్లు… శాస్త్రవేత్తల సంచలన ప్రకటన..?

దేశంలోని ప్రజల మధ్య చాలా సంవత్సరాల నుంచి ఏలియన్ల గురించి చర్చ జరుగుతోంది. ఏలియన్లు ఉన్నాయని కొందరు శాస్త్రవేత్తలు అభిప్రాయపడుతుంటే మరి కొందరు శాస్త్రవేత్తలు మాత్రం ఏలియన్లు లేవని చెబుతున్నారు. శాస్త్రవేత్తలు రేడియో తరంగాలను పంపించడం ద్వారా ఏలియన్లు ఉన్నాయో లేదో తెలుసుకునే ప్రయత్నం చేస్తున్నారు. అయితే ఇప్పటివరకు శాస్త్రవేత్తలు పంపిన సందేశాలకు ఏలియన్ల నుంచి స్పందన రాలేదు.

అయితే హార్వర్డ్ ప్రొఫెసర్ లోయెబ్ మాత్రం 2017 సంవత్సరంలోనే భూమిపైకి ఏలియన్లు వచ్చాయని వెల్లడిస్తున్నారు. 2017 సంవత్సరం భూమిపై సిగార్ ఆకారంలో ఉన్న ఆస్టరాయిడ్ దొరికిందని భూమిపై ఏలియన్లు ఉన్నాయని చెప్పడానికి సాక్ష్యం ఇదేనని ఆయన అన్నారు. లోయబ్ ఆయన రాసిన కొత్త పుస్తకంలో ఈ విషయాలను పేర్కొన్నారు. వేవార్డ్ ఏలియన్ టెక్నాలజీ ద్వారా దొరికిన ఆస్టరాయిడ్ ఏలియన్లదే అని గుర్తించామని అన్నారు.

వేరే గెలాక్సీ నుంచి ఆ ఆస్టరాయిడ్ భూమిపైకి వచ్చిందని.. వింతరీతిలో ఆ ఆస్టరాయిడ్ కదులుతోందని తెలిపారు. స్వచ్చమైన కేంద్రబిందువు నుంచి ఆ ఆస్టరాయిడ్ వచ్చిందని గతేడాది చేసిన పరిశోధనల్లో వెల్లడైందని తెలిపారు. భూమికి 25వేల కాంతి సంవత్సరాల దూరం నుంచి ప్రయాణించి ఆ ఆస్టరాయిడ్ భూమిని చేరిందని లోయబ్ అన్నారు. ఆ ఆస్టరాయిడ్ 2017 సంవత్సరం సెప్టెంబర్ 6వ తేదీన సౌర వ్యవస్థ ఆర్బిటర్ తలాన్ని దాటిందని వెల్లడించారు.

మనుషులు మాత్రమే అంతరిక్షంలో ఏలియన్లు ఉన్నాయని చెప్పడానికి సాక్ష్యం అని.. ఆ ఆస్టరాయిడ్ ఏలియన్ సంతతికి చెందిన ఆస్టరాయిడ్ అని తాము భావిస్తున్నామని లోయబ్ చెప్పుకొచ్చారు. లోయబ్ చేసిన తాజాగా ప్రకటనతో ప్రజల మధ్య ఏలియన్ల గురించి మరోసారి చర్చ జరుగుతోంది.