Geeta Madhuri: గీతా మాధురి ఫోటోలతో ఫేక్ అకౌంట్.. అభిమానులను అలర్ట్ చేసిన సింగర్ !

Geeta Madhuri: గీతా మాధురి ఈ పేరు గురించి పరిచయం అవసరం లేదు సింగర్ గా ఎంతో మంచి గుర్తింపు సంపాదించుకున్న ఈమెకు ఇండస్ట్రీలో విపరీతమైన ఫాన్ ఫాలోయింగ్ పాపులారిటీ ఉంది. గాయనిగా ఎన్నో ప్రత్యేక పాటలు పాడుతూ ఎన్నో అవార్డులు అందుకున్న గీత మాధురి నటుడు నందుని ప్రేమ వివాహం చేసుకొని ఎంతో సంతోషంగా గడుపుతున్నారు.

ఇదిలా ఉండగా తాజాగా కొందరు మోసగాళ్లు నటి గీతామాధురి పేరు పై ఫేక్ అకౌంట్స్ సృష్టించి ఆమె ఫోటోలను ప్రొఫైల్ ఫోటోగా పెట్టుకుని వాట్సప్ చాటింగ్ చేస్తూ పెద్ద ఎత్తున మోసాలకు పాల్పడుతున్నారని గీత మాధురి సోషల్ మీడియా వేదికగా వెల్లడించారు. అమెరికా ఫోన్ నెంబర్ తో కొంతమంది మోసగాళ్లు తన పేరును ఉపయోగించి చాటింగ్ చేయడమే కాకుండా ఇండస్ట్రీకి చెందిన కొందరు హీరోయిన్ల ఫోన్ నెంబర్లు కూడా అడుగుతున్నారని తెలిపారు.

ఈ క్రమంలోనే అభిమానులు ప్రతి ఒక్కరి ఈ విషయాన్ని గమనించాలి అంటూ ఈమె తన అభిమానులను అలర్ట్ చేశారు.ఈ క్రమంలోనే నా ఫోటోతో లేదా నా పేరుపై ఎవరు మెసేజ్ చేసి ఫోన్ నెంబర్లు అడిగిన ఎవరు ఇవ్వకండి అంటూ అభిమానులకు సూచించారు. ఇలా గతంలో ఎన్నోసార్లు మోసగాళ్లు పలువురు ప్రముఖుల సెలబ్రిటీ పేర్లపై ఫేక్ అకౌంటు సృష్టించి మోసాలకు పాల్పడ్డారు.

పోలీసులకు ఫిర్యాదు చేయనున్న గీతామాధురి…

ఈ క్రమంలోనే గీతా మాధురి పేరును కూడా ఉపయోగించి ఇలాంటి మోసాలకు పాల్పడటంతో ఈమె రంగంలోకి దిగి అసలు విషయం బయటపెట్టారు. ఇక ఈ విషయంపై గీతామాధురి పోలీసులకు ఫిర్యాదు చేసే సూచనలు కూడా కనపడుతున్నాయి. ఇక ఈ విషయం తెలిసిన గీతామాధురి వెంటనే సోషల్ మీడియా వేదికగా స్పందిస్తూ ఎవరు మోసపోకూడదని తన అభిమానులకు ఈ విషయాన్ని చేరవేశారు. ప్రస్తుతం గీత మాధురి చేసిన ఈ పోస్ట్ వైరల్ అవుతుంది.