Harshavardhan : బుల్లి తెర పై ‘రుతు రాగాలు’ ‘అమృతం’ వంటి సీరియల్స్ తో బాగా ఫేమస్ అయిన హర్షవర్ధన్ సినిమాల్లో కూడా మంచి పాత్రలు చేస్తూ వస్తున్నారు. అయితే చాలా మందికి తెలియని విషయం హర్ష వర్ధన్ ఒక మంచి స్క్రీన్ ప్లే రైటర్. ద్రోణ, విశాఖ ఎక్స్ ప్రెస్, చిన్నదానా నీకోసం, తిక్క వంటి సినిమాలకు పూర్తిగా రైటర్ గా పనిచేయకపోయినా డైలాగ్స్ రాసిచ్చారు. ఇక గుండె జారి గల్లంతయ్యిందే సినిమాకు పూర్తి స్థాయిలు స్క్రిప్ట్ రాసారు. ఇక మనం సినిమాకు కూడా పనిచేసిన హర్షవర్ధన్ పై కొన్ని విమర్శలు కూడా ఉన్నాయి.
నా దగ్గరికి స్క్రిప్ట్ వస్తే మొత్తం మార్చేస్తా….
తన దగ్గరికి స్క్రిప్ట్ వర్క్ కోసం వెళితే స్టోరీని మార్చేస్తారనే టాక్ హర్షవర్ధన్ పై ఉంది. అయితే ఈ విషయంపై స్పందిస్తూ హర్షవర్ధన్ నాదగ్గర చాలా ఆలోచనలు వస్తుంటాయి. నా స్క్రిప్ట్ ఎక్కువ రోజులు నా దగ్గర ఉంటే దాంట్లో కూడా మార్పులు చేస్తుంటా, అలా వేరే కథల విషయాల్లో కూడా ఇదే జరిగింది. నచ్చితే వాళ్ళు తీసుకోవచ్చు లేదంటే లేదు. అన్నట్లుగానే మారుస్తుంటా అలానే గుండె జారీ గల్లంతయ్యిందే సినిమా విషయంలో స్క్రిప్ట్ 90% వరకు మార్చాను కానీ సినిమా డైరెక్టర్ దాన్ని ఒప్పుకోవడం గొప్ప విషయం. నేనైతే అలా నా కథను మార్పు చేస్తే ఒప్పుకొనేమో అని అభిప్రాయపడ్డారు. ఇక మనం సినిమా విషయంలో నాగార్జున గారికి స్క్రిప్ట్ పని ఎవరు చేసినా నచ్చలేదు.
అప్పటికే ఏడాది గడిచిపోవడంతో విక్రమ్ కుమార్ గారు ఇష్క్ సమయంలో నాతో పని చేయించుకున్నారు కాబట్టి నన్ను పిలిచారు. ఒక మూడు సన్నివేశాలు రాయమని మొదట నాగార్జున గారు చెప్పారు. రాసాక అవి నచ్చి మనం లో ఛాన్స్ ఇచ్చారు. నా విషయంలో నాగార్జున గారు చాలా రిస్క్ చేసారు అంటూ చెప్పారు. ఇక నా స్క్రిప్ట్ ను కాపీ చేసి నా పేరు వేయకుండా చేసిన సినిమాలు చాలా ఉన్నాయి కానీ నేను యాక్టర్ గా బాగానే సంపాదిస్తున్నాను కాబట్టి ఆ విషయాలని పట్టించుకోవడం లేదని, ప్రస్తుతం సుధీర్ బాబు సినిమాకు స్క్రిప్ట్ పనులు చేస్తున్నానని చెప్పారు. తన స్క్రిప్ట్ విషయంలో హీరోలు గాని, డైరెక్టర్లు గాని వేలు పెడితే అలుగుతారని, కోపం తెచ్చుకుంటారని ప్రశ్న ఎదురుకాగా ఎవరైనా నా స్క్రిప్ట్ లో మార్పులు చెబితే ఆహ్వానిస్తానని, అందులో నాకు ఎలాంటి సమస్య లేదు కాకపోతే మూల కథ దెబ్బ తినకుండా మార్పులు ఓకే అంటూ తన మీద ఉన్న విమర్శలకు చెక్ పెట్టారు హర్షవర్ధన్.
ఇంద్రకీలాద్రిపై వెలసిన శ్రీ దుర్గా మల్లేశ్వర స్వామి ఆలయంలో జగద్గురు ఆదిశంకరుల జయంతి ఉత్సవాలు మంగళవారం వైభవంగా నిర్వహించబడ్డాయి. వైశాఖ…
ప్రస్తుత జీవనశైలిలో ఆరోగ్య సమస్యలు పెరుగుతున్న నేపథ్యంలో సహజ పదార్థాలపై మళ్లీ దృష్టి పెడుతున్నారు చాలా మంది. మన వంటింట్లో…
ఇతిహాసాలలో ధర్మం, మానవత్వం గురించి చెప్పే గొప్ప ఉదాహరణల్లో ఒకటి రామాయణ యుద్ధం చివర్లో జరిగిన సంఘటనగా పండితులు పేర్కొంటారు.…
ఆంధ్రప్రదేశ్లోని పుణ్యక్షేత్రాల్లో ఒక ప్రత్యేక స్థానం సంపాదించుకున్న కుండలేశ్వర స్వామి క్షేత్రం భక్తుల విశ్వాసానికి కేంద్రంగా నిలుస్తోంది. పవిత్ర గోదావరి…
సినిమా ఇండస్ట్రీలో ప్రేమలు, పెళ్లిళ్లు, విడాకులు కొత్త విషయం కాదు. అయితే కొంతమంది సెలబ్రిటీల వ్యక్తిగత జీవితం మాత్రం ఎప్పటికప్పుడు…
ఆయుర్వేద ఔషధాల్లో ప్రముఖ స్థానం ఉన్న అశ్వగంధపై కేంద్ర సంస్థలు కీలక నిర్ణయం తీసుకోవడం ఆరోగ్య రంగంలో చర్చనీయాంశంగా మారింది.…