హైదరాబాద్: పాన్-ఇండియా స్టార్, రెబల్ స్టార్ ప్రభాస్ పుట్టినరోజు సందర్భంగా అభిమానులు, సినీ ప్రముఖుల నుంచి శుభాకాంక్షలు వెల్లువెత్తాయి. దివంగత హీరో కృష్ణరాజు నటవారసుడిగా ‘ఈశ్వర్’ సినిమాతో తెరంగేట్రం చేసిన ప్రభాస్, ‘వర్షం’తో బ్లాక్ బస్టర్ అందుకున్నారు. ‘ఛత్రపతి’, ‘మిర్చి’, ‘డార్లింగ్’, ‘మిస్టర్ పర్ఫెక్ట్’ వంటి వరుస హిట్లతో తెలుగులో అగ్ర హీరోగా ఎదిగారు.
‘బాహుబలి’ సినిమా తర్వాత ప్రభాస్ క్రేజ్ ఒక్కసారిగా పాన్ ఇండియాకు విస్తరించింది. ఇప్పుడు ఆయన చేసే ప్రతి సినిమా పాన్ ఇండియా స్థాయిలో తెరకెక్కుతోంది. ప్రస్తుతం ప్రభాస్ అరడజనుకు పైగా భారీ ప్రాజెక్టులతో ఫుల్ బిజీగా ఉన్నారు.
ప్రభాస్ పుట్టినరోజు సందర్భంగా సినీ ప్రముఖులు సోషల్ మీడియా వేదికగా రకరకాల పోస్టులు చేస్తూ విషెస్ తెలిపారు. అయితే, కలెక్షన్ కింగ్ మోహన్ బాబు ప్రభాస్కు తెలిపిన శుభాకాంక్షలు ఇప్పుడు సోషల్ మీడియాలో వైరల్గా మారాయి.
ప్రభాస్కు, మోహన్ బాబు కుటుంబానికి మంచి అనుబంధం ఉన్న విషయం తెలిసిందే. ఈ నేపథ్యంలో మోహన్ బాబు తన ట్విట్టర్ వేదికగా ప్రభాస్కు వెరైటీగా బర్త్డే విషెస్ తెలిపారు:
“బావ నువ్వు పెళ్లి చేసుకుని అరడజను మంది పిల్లలతో సంతోషంగా ఉండాలి!” అని మోహన్ బాబు కోరారు.
ప్రభాస్ పెళ్లి గురించి ఎప్పుడూ చర్చ జరుగుతున్న నేపథ్యంలో, మోహన్ బాబు ఈ విధంగా కోరికను వ్యక్తం చేస్తూ శుభాకాంక్షలు తెలపడం మెగా అభిమానులతో పాటు సినీ వర్గాలను ఆకర్షించింది. ఈ వెరైటీ విష్ ప్రస్తుతం నెట్టింట్లో హాట్ టాపిక్గా మారింది.
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్జెమిని (Capgemini) క్యాంపస్లో ఉన్న డే కేర్ సెంటర్లో చిన్నారిపై జరిగిన అమానుష ఘటన…
ఆంధ్రప్రదేశ్ ఉప ముఖ్యమంత్రి, జనసేన పార్టీ అధినేత పవన్ కల్యాణ్ సోషల్ మీడియా వినియోగం, వాక్ స్వాతంత్ర్యం, వ్యక్తిగత గౌరవం…