దోమలతో ఇబ్బంది పడుతున్నారా.. అయితే ఇలా చేయండి.. దోమలు మాయం అయిపోతాయి.

దాదాపు చాలా ఇళ్లల్లో దొమలు ఉండే ఉంటాయి. వాటి వల్ల ఇబ్బందులు పడ్డవారు చాలామందే ఉంటారు. అయితే దోమకాటుకు ఎన్నో వ్యాధులు వస్తాయన్న విషయం తెలిసిందే. అవి మనిషిని కుట్టడం వల్ల అనేక రోగాలు వస్తాయి. ప్రస్తుతం వర్షాకాలం కావునా ఎక్కడ నీళ్లు నిల్వ ఉంటే అక్కడికి వెళ్లి గుడ్లు పెట్టి లక్షల దోమలను తయారుచేస్తాయి. అయితే వీటిలో ముఖ్యంగా మూడు రకాల దోమలు వ్యాధులకు వాహకాలుగా పనిచేస్తాయి.

అవి కులిసిడే కుటుంబానికి చెందిన క్యూలెక్స్, అనాఫిలస్, ఈడిస్ దోమలు. వీటి దేహంలో తల, వక్షం, ఉదరం అనే మూడు భాగాలుంటాయి. ఆడ దోమలలో గుచ్చి పీల్చేరకమైన ముఖభాగలుంటాయి. అయితే ఇవి కుట్టడం వల్ల చికెన్ పాక్స్, మలేరియా, డెగ్యూ వంటి ప్రమాదకరమైన వ్యాధులు వస్తుంటాయి. మలేరియా వల్ల ఏటా ప్రపంచవ్యాప్తంగా 10-20 లక్షల మంది మరణిస్తున్నారు.

అయితే ఎన్ని సార్లు ఇంట్లో దోమలు రాకుండా కాయిల్స్ వాడినా ఉపయోగం లేకుండా అయిపోతుంది. అవి పోయినట్టే పోయి.. మళ్లీ ఎక్కడో ఒక దగ్గర దాక్కొని మరీ వేటాడుతాయి. అయితే ఈ దోమల బెడద నుంచి మనల్ని మనం రక్షించుకుంటూ.. జాగ్రత్తగా ఎలా ఉండాలంటే.. ఇంట్లో దోమలు ఎక్కువగా ఉంటే పొగ లేదా స్కిన్ క్రీమ్ ద్వారా వాటిని అరికట్టవచ్చు.

అయితే ఆ పొగ కారణంగా మనకు కూడా అనారోగ్య సమస్యలు వచ్చే ప్రమాదం ఉంది. అందువల్ల అటువంటి సమయంలో మనం మూతికి మాస్క్ ధరించడం మంచిది. అంతేకాకుండా అలర్జీలకు కూడా దారి తీస్తుంది. అవే కాకుండా దోమ తెరలను వాడటం వల్ల కూడా ఎంతో మేలు కలుగుతుంది. నిల్వ ఉంటే నీటిని ఎప్పటికప్పుడు తొలగిస్తే మంచిది. పరిసరాలను పరిశుభ్రంగా ఉంచుకుంటే అలాంటి సమస్య రానేరాదు.