“విశ్వక్ సేన్ మమ్మల్ని ఇలా తొక్కేస్తున్నాడు..” అంటూ హిట్ మూవీ డైరెక్టర్ సెన్సేషనల్ కామెంట్స్ !!

విశ్వక్ సేన్ తన నటనలో మరింత పరిణితి కనబరుస్తున్నాడు. తాజాగా వచ్చిన హిట్ చిత్రంలో పోలీస్ ఆఫీసర్ గా విశ్వక్ సేన్ అదర గొట్టేశాడు. ఏ పాత్రలనైనా సునాయాసంగా చేయగలడు అనే విధంగా విశ్వక్ సేన్ పోలీస్ అధికారి పాత్రలో సమర్ధవంతంగా నటించాడు. దాంతో విశ్వక్ సేన్ నటనాపరంగా మంచి మార్కులు కొట్టేశాడు. అలాగే ‘హిట్’ చిత్రం ద్వారా టాలీవుడ్‌కు పరిచయమైన డైరెక్టర్ శైలేష్ కొలను. డాక్టర్ వృత్తి నుంచి సినిమా రంగంలోకి అడుగుపెట్టారు ఈ యంగ్ డైరెక్టర్. పరిచయమైన క్రొత్తలోనే శైలేష్ టాలెంట్ ను గమనించిన నేచురల్ స్టార్ నాని.. తన వాల్ పోస్టర్ సినిమా బ్యానర్‌ పై ‘హిట్’ సినిమాను నిర్మించారు. మాస్ కా దాస్ విశ్వక్ సేన్ హీరోగా తెరకెక్కిన ఈ చిత్రం ప్రేక్షకుల ప్రశంసలను అందుకుంది. అతి త్వరలోనే ‘హిట్’ సీక్వెల్ కూడా రాబోతోందని టాలీవుడ్ సమాచారం.

ఇక అసలు విషయానికి వస్తే.. డైరెక్టర్ శైలేష్ కొలను ఈమధ్య ఒక ఆసక్తికరమైన వీడియోను షేర్ చేశారు. ఆ వీడియోలో హీరో విశ్వక్ సేన్ నిర్మాతగా కనిపించి తనకు కథ చెప్పడానికి వచ్చిన శైలేష్‌కు తనదైన స్టైల్లో చుక్కలు చూపిస్తూ.. ‘‘ఇంతకీ మన కధ విలేజా, సిటీనా, మణికొండనా, హన్మకొండనా నేను చెప్తా.. నువ్వు కాదు’’, ‘‘18Year’s, 20 Year’s, 30 Year’s నేను డిసైడ్ చేసుకుంటా.. పిచ్చోళ్లమా ప్రొడక్షన్ టీమ్ పెట్టుకుని’’ అంటూ ఒక రకమైన మేనరిజంతో ఆట పట్టించారు. ఈ వీడియోను షేర్ చేసిన శైలేష్ మాట్లాడుతూ.. ‘‘పూరి జగన్నాథ్ సార్ మా విశ్వక్‌ కి ఇదొకటి నేర్పించారు. అందుకే మమ్మల్ని ఇలా తొక్కేస్తున్నాడు.. బోయ్స్ చూడండ్రా మీ అన్న ఎట్లా చేస్తున్నాడో. అన్యాయం కదా.?’’ అని సరదాగా బేల మొహం పెట్టారు. శైలేష్ తండ్రికి టాలీవుడ్ లో ప్రొడక్షన్ మేనేజర్‌గా ఎన్నో ఏళ్ళ అనుభవం ఉంది. ప్రస్తుతం ఆయన దిల్ రాజు దగ్గర ప్రొడక్షన్ మేనేజర్‌ గా చేస్తున్నారు. ఇప్పుడు అదే దిల్ రాజు బ్యానర్‌లో శైలేష్ ఓ బాలీవుడ్ చిత్రాన్ని ప్లాన్ చేస్తున్నారు. తెలుగులో ఘన విజయం సాధించిన ‘హిట్’ చిత్రాన్నే శైలేష్ కొలను డైరెక్షన్ లో హిందీలో రీమేక్ చేస్తున్నారని లేటెస్ట్ అప్ డేట్.