రెండో పెళ్ళికి రెడీ అవుతున్న 7/G హీరొయిన్ సోనియా అగర్వాల్..!!

క‌రోనా విలయతాండ‌వం చేస్తున్నా కళ్యాణం మాత్రం ఆగేటట్టు లేదన్నట్లుగా వివాహాది శుభ‌కార్యాలు మాత్రం ఎక్క‌డా ఆగ‌డం లేదు. ఒకప్రక్క క‌రోనా భ‌యం జ‌నాల‌ల్లో వున్నా పెళ్ళిళ్ళు.. పండుగల ఫంక్ష‌న్‌ల విష‌యంలో మాత్రం ఎక్క‌డా త‌గ్గ‌డం లేదు. పెళ్లిళ్లు, ఫంక్ష‌న్లు జ‌రుగుతూనే వున్నాయి. అసలే శ్రావణ మాసం కావడంతో టాలీవుడ్‌లో కూడా పెళ్లిళ్ల సీజ‌న్ న‌డుస్తోంది. ఈమధ్యనే టాలీవుడ్ నిర్మాత దిల్ రాజు, హీరో నిఖిల్ పెళ్ళి చేసుకున్న సంగతి తెలిసిందే. ఆగ‌స్టులో నితిన్‌, రానాలు పెళ్ళి పీటలపై కూర్చోబోతున్నారు. అయితే టాలీవుడ్ కు ధీటుగా కోలీవుడ్‌లోనూ పెళ్లిళ్ళ సందడి మొద‌లై పోయింది.

ఈమధ్యనే కోలీవుడ్ న‌టి వ‌నిత 3వ వివాహం చేసుకుని సంచలనం సృష్టించిన సంగతి తెలిసిందే. ఈ వివాదం ఓ కొలిక్కి రాక ముందే తాజాగా మ‌రో న‌టి కూడా రెండో పెళ్లికి సిద్ధమౌతోంది. ఆమె మరెవరో కాదు. 7/జి బృంద‌వ‌న కాల‌నీ చిత్రం ద్వారా హీరోయిన్‌గా ప‌రిచ‌య‌మై మంచి గుర్తింపుని సొంతం చేసుకున్న సోనియా అగ‌ర్వాల్. 2006లో ఈమె ప్రముఖ కోలీవుడ్ డైరెక్టర్ సెల్వ‌ రాఘ‌వ‌న్ ని ప్రేమించి పెళ్లి చేసుకున్న విష‌యం తెలిసిందే. ఇద్ద‌రి మ‌ధ్య కొన్ని మ‌న‌స్ప‌ర్థ‌లు రావడంతో 2010లో విడాకులు తీసుకుని విడిపోయారు. అప్ప‌టి నుంచి ఇప్పటివరకూ ఒంట‌రిగానే వుంటున్న సోనియా అగ‌ర్వాల్ త్వ‌ర‌లో రెండో పెళ్లికి సిద్ధ‌మ‌వుతున్న‌ట్టు కోలీవుడ్ కోడై కూస్తుంది. ఈమధ్య సోష‌ల్‌ మీడియాలో సోనియా పెట్టిన ఓ పోస్ట్ ఈ రూమర్ నిజ‌మే అనడానికి ఆధారంగా నిలుస్తుంది.

మ‌రో 2 రోజుల్లో త‌న‌కు ఎంగేజ్‌మెంట్ జ‌ర‌గ‌బోతోంద‌ని చెబుతూ ఎంగేజ్‌మెంట్ రింగ్‌ల‌కు సంబంధించిన ఓ ఫొటోని సోనియా అగ‌ర్వాల్ షేర్ చేయ‌డం ఆస‌క్తిక‌రంగా మారింది. ఇంతకీ సోనియా అగ‌ర్వాల్ ఎంగేజ్‌మెంట్ ఎవ‌రితో.? ఈ రూమర్ లో వున్న నిజ‌మెంత.? అన్న‌ది తెలియాలంటే 2 రోజులు ఆగల్సిందే.!