Heroine Sreeleela : చేతి నిండా ఆఫర్స్ తో మిగిలిన హీరోయిన్స్ కి ఈర్ష్య పుట్టిస్తున్న కన్నడ బ్యూటీ … పండగలన్నింటిని కవర్ చేస్తున్న శ్రీలీల …!

Heroine Sreeleela : శ్రీకాంత్ తనయుడి సినిమా పెళ్లి సందడి సినిమాతో హీరోయిన్ గా ఎంట్రీ ఇచ్చిన కన్నడ బ్యూటీ శ్రీలీల. ఆమె పుట్టి పెరిగింది బెంగళూరు అయినా ఆమె తల్లిదండ్రులది ఏపీ కావడం విశేషం. ఇక ఎంబిబిఎస్ చదువుతూనే సినిమాల వైపు చుసిన ఈ బ్యూటీ అటు కన్నడ, ఇటు తెలుగులో దూసుకుపోతోంది. ఓవైపు మంచి లుక్స్ మరోవైపు నటన ఇక హీరోలతో సమానంగా డాన్స్ ఇవన్నీ శ్రీ లీల కు ప్లస్ పాయింట్స్. దీంతో ఇపుడు పెద్ద హీరోల సినిమాలు కూడ క్యూ కడుతున్నాయి. తాజాగా అమ్మడి ఖాతాలో క్రేజి ప్రాజెక్ట్స్ చాలానే ఉన్నాయ్.

పండగలన్నింటిని కవర్ చేసిన బ్యూటీ…

పెళ్లి సందడి సినిమాతో ఎంట్రీ ఇచ్చిన ఈ బ్యూటీ ఆ సినిమా పెద్దగా ఆడకపోయినా మాస్ రాజా రవితేజ ధమాకా సినిమాలో ఛాన్స్ కొట్టింది. ఆ సినిమా సూపర్ హిట్ అవడంతో అమ్మడికి అవకాశలు క్యూ కట్టేసాయి. ఎనర్జిటిక్ హీరో రామ్ హీరోగా వస్తున్న బోయపాటి సినిమా స్కంద తో వినాయక చవితికి సందడి చేయనుంది ముద్దుగుమ్మ.

ఇక అక్టోబర్ లో బాలకృష్ణ భగవంత్ కేసరి లో ఆయన కూతురిగా కనిపించునుంది. దసరా కానుకగా అనిల్ రావిపూడి దర్శకత్వంలోని ఈ సినిమా రానుంది. ఇక దీపావళి కి సాయి ధరమ్ తేజ్ అది కేశవ సినిమాతో రానుంది. ఇక డిసెంబర్ లో క్రిస్మస్ కు నితిన్ హీరోగా వక్కంతం వంశీ డైరెక్షన్ లో వస్తున్న ఎక్సట్రాఆర్డినరి సినిమాలో కనిపిస్తోంది. ఇక సంక్రాంతికి ఏకంగా సూపర్ స్టార్ మహేష్, త్రివిక్రమ్ కాంబినేషన్ లో వస్తున్న గుంటూరు కారం సినిమా ద్వారా ఆ పండగను కవర్ చేసేసింది శ్రీలీల. మొదట పూజ హెగ్డే ఈ సినిమాలో హీరోయిన్ గా అనుకున్న ఆమె తప్పుకోవడంతో శ్రీ లీల మెయిన్ లీడ్ గా మీనాక్షి చౌదరిని సెకండ్ లీడ్ గా తీసుకున్నారు. ఇలా అమ్మడు మొత్తం పండగలను కవర్ చేసేసింది.