Hyper Aadi: పవన్ కళ్యాణ్ టికెట్ ఇస్తే ఖచ్చితంగా గెలుస్తా.. పొలిటికల్ ఎంట్రీపై ఆది కామెంట్స్!

Hyper Aadi: హైపర్ ఆది పరిచయం అవసరం లేని పేరు జబర్దస్త్ కమెడియన్ గా ఇండస్ట్రీలో ఎంతో మంచి సక్సెస్ అందుకున్నటువంటి హైపర్ ఆది మెగా అభిమాని అనే విషయం మనకు తెలిసిందే. ముఖ్యంగా పవన్ కళ్యాణ్ అంటే ఆది విపరీతమైనటువంటి అభిమానాన్ని చూపిస్తుంటారు. ఇక ఈయన ఇటీవల కాలంలో జనసేన పార్టీ తరపున పెద్ద ఎత్తున మాట్లాడి వార్తలలో నిలిచారు.

ఈ క్రమంలోనే హైపర్ ఆది రాజకీయాలలోకి రాబోతున్నారంటూ గతంలో ఎన్నో వార్తలు వచ్చాయి. తాజాగా ఈ వార్తలపై ఆది స్పందించారు. ఈ సందర్భంగా ఆది మాట్లాడుతూ ప్రొఫెషన్ వేరు పాలిటిక్స్ వేరని తెలిపారు. నేను ఈ స్థాయిలో ఉన్నాను అంటే అందుకు కారణం జబర్దస్త్ కార్యక్రమమని తెలిపారు. ఇక జబర్దస్త్ కార్యక్రమంలో ఉన్నప్పుడు రోజా గారు మమ్మల్ని ఎంకరేజ్ చేసేవారు ఆమె రాజకీయాల గురించి ఎప్పుడూ మాట్లాడలేదని తనతో నాకు ఎలాంటి విభేదాలు లేవని తెలిపారు.

ఇక పవన్ కళ్యాణ్ గారికి నేను వీరాభిమాని ఆయనని వ్యక్తిగతంగా ఎవరైనా దూషిస్తూ తప్పకుండా నేను రియాక్ట్ అవుతాను పవన్ కళ్యాణ్ ఎవరి వ్యక్తిగత విషయాల గురించి ఎప్పుడూ మాట్లాడరు. ఆయన ఎన్నికలలో గెలవాలని నేను కోరుకుంటాను ఈసారి కూడా ఎన్నికలలో నేను జనసేన పార్టీ తరఫున ప్రచారం చేస్తానని తెలిపారు..

పవన్ గెలవాలని కోరుకుంటా..

ఇక ఎన్నికలలో పోటీ చేసే అవకాశం నాకు కనక వస్తే పవన్ కళ్యాణ్ ని గెలిపించడం కోసం నేను గెలుస్తానని హైపర్ ఆది కామెంట్ చేయడంతో ఈయన జనసేన పార్టీ నుంచి ఎమ్మెల్యేగా గెలవడానికి సిద్ధంగా ఉన్నానని టికెట్ ఇస్తే ఎన్నికలలో పోటీ చేయడానికి కూడా సిద్ధమేనంటూ ఈ సందర్భంగా హైపర్ ఆది పరోక్షంగా చేసినటువంటి కామెంట్స్ ప్రస్తుతం వైరల్ అవుతున్నాయి.