Anasuya -Aadhi: హైపర్ ఆదిని త్వరలో అక్కడ చూస్తారు.. హైపర్ ఆది జబర్దస్త్ను వీడటానికి కారణం చెప్పిన అనసూయ?

Anasuya -Aadhi: జబర్దస్త్ కార్యక్రమం ద్వారా మంచి గుర్తింపు సంపాదించుకున్న వారు అందరూ ఒక్కొక్కరుగా ఈ కార్యక్రమాన్ని వదిలి బయటకు వెళ్తున్నారు.ఈ విధంగా బయటకు వెళ్ళిన వాళ్ళు సినిమా అవకాశాలు రావడంతోనే బయటకు వెళ్తున్నాము అంటూ వెల్లడించారు. అయితే జబర్దస్త్ కార్యక్రమం ద్వారా ఎంతో పాపులారిటీ సంపాదించుకున్న హైపర్ ఆది గత రెండు నెలలుగా ఈ కార్యక్రమంలో కనిపించడం లేదు.

ఈ విధంగా హైపర్ ఆది జబర్దస్త్ కార్యక్రమానికి దూరమైనప్పటికీ ఇతర కార్యక్రమాలలో కూడా కనిపించడం లేదు. అయితే ఈయన ఉన్నఫలంగా ఈ కార్యక్రమానికి దూరం కావడానికి కారణం ఏమిటి అంటూ పలువురు పెద్దఎత్తున సందేహాలను వ్యక్తపరిచారు. అయితే ఇప్పటికీ హైపర్ ఆది జబర్దస్త్ కార్యక్రమాన్ని వీడిపోవడానికి కారణం ఏంటో తెలియడం లేదు.

తాజాగా జబర్దస్త్ యాంకర్ అనసూయ ఒక ప్రైవేట్ పార్టీలో పాల్గొన్నారు. ఈ క్రమంలోనే ఆమెకు జబర్దస్త్ అభిమానుల నుంచి హైపర్ ఆది గురించి పలు ప్రశ్నలు ఎదురయ్యాయి.ఇలా హైపర్ ఆది ఈ కార్యక్రమాన్ని వదిలి వెళ్ళడానికి కారణం ఏంటి అనే విషయాన్ని ఈ సందర్భంగా అనసూయ హింట్ ఇచ్చారు. హైపర్ ఆది క్రేజ్ దృష్టిలో ఉంచుకొని ఆయనకు సినిమా అవకాశాలు వస్తున్నాయనే వార్తలు వినపడుతున్నాయి.

ఆది విషయంలో అభిమానులకు క్లారిటీ..

ఈ క్రమంలోనే ఒకవైపు సినిమాలు మరొకవైపు జబర్దస్త్ కార్యక్రమాన్ని బ్యాలెన్స్ చేయలేక హైపర్ ఆది వెళ్లిపోయారు అంటూ వార్తలు వచ్చిన విషయం మనకు తెలిసిందే. అయితే అనసూయ ఆది గురించి మాట్లాడుతూ త్వరలోనే హైపర్ ఆదిని మీరు పలువురు స్టార్ హీరోల సినిమాలలో చూస్తారు అంటూ హింట్ ఇచ్చారు.ఈ విధంగా అనసూయ హైపర్ ఆది సినిమా అవకాశాలు రావడం వల్లే వెళ్లిపోయారని పరోక్షంగా తెలియజేశారు. అనసూయ హైపర్ ఆది గురించి చెప్పడంతో ఆది అభిమానులకు ఈ విషయంలో కొంతమేర క్లారిటీ వచ్చిందని చెప్పాలి.