ఇటు బుల్లితెరపై, అటు వెండితెరపై ఎంతో మంచి గుర్తింపును సంపాదించుకున్న అనసూయ ప్రస్తుతం వరుస అవకాశాలతో ఎంతో బిజీగా ఉన్నారు. తనకు వచ్చిన అవకాశాలను సద్వినియోగం చేసుకుంటూ ప్రస్తుతం కెరీర్ పరంగా ఎంతో బిజీగా ఉన్నారు. వెండితెరపై ఈమె నటించిన పలు పాత్రలు ఎంతో మంచి గుర్తింపును సంపాదించి పెట్టాయి. ఈ క్రమంలోనే వెండితెరపై పలు అవకాశాలను దక్కించుకుంటూ దూసుకుపోతున్నారు.
తాజాగా అనసూయ దర్శకుడు సుకుమార్ దర్శకత్వం వహిస్తున్న ఈ సినిమాలో ఓ కీలకమైన పాత్రలో నటిస్తున్న సంగతి మనకు తెలిసిందే. ఈ క్రమంలోనే ఈ సినిమా గురించి కొన్ని ఆసక్తికరమైన విషయాలను అనసూయ తెలిపారు. సుకుమార్ దర్శకత్వంలో ఇదివరకే తెరకెక్కిన “రంగస్థలం” సినిమాలో రంగమ్మత్త పాత్రలో ఎంతో అద్భుతంగా నటించిన అనసూయ ప్రస్తుతం “పుష్ప” సినిమాలో కూడా ఓ కీలక పాత్రలో నటిస్తోంది.
సినిమా విషయానికి వస్తే ఇందులో తన పాత్ర జీవితాంతం గుర్తుండే విధంగా ఉంటుందని, ఆ పాత్రకు అంత ప్రాధాన్యత ఉందని ఈ సందర్భంగా అనసూయ తెలిపారు. మామూలుగా దర్శకుడు సుకుమార్ ఆర్టిస్టులకు రెండవ ఛాన్స్ ఇవ్వరు. అలాంటిది తన సినిమాలో నాకు రెండో ఛాన్స్ ఇవ్వడం నిజంగా నా అదృష్టం అంటూ అనసూయ తెలిపారు. ఈ సినిమాలో అల్లు అర్జున్, రష్మిక జంటగా సందడి చేయనున్న సంగతి మనకు తెలిసిందే.