రానా దగ్గుబాటి.. తన తాత రామానాయుడు పేరులోని మొదటి అక్షరాలను పెట్టుకొని రానాగా అయ్యారు. తెలుగు ఇండస్ట్రీలో రానాకు ఉన్న క్రేజ్ వేరు. తనకు సినిమా ఇండస్ట్రీలో మంచి సపోర్ట్ ఉన్నప్పటికీ.. రానా మాత్రం అస్సలు తన ఫ్యామిలీ సపోర్ట్ తీసుకోకుండా తనంతట తానే ఎదిగారు. స్టార్ హీరోగా ఎదిగారు. రానా ఏ సినిమా చేసినా కూడా ఆ సినిమాలో ఒక మెసేజ్ ఉంటుంది. ఇప్పటి వరకు రానా చేసిన ఏ సినిమా అయినా సరే.. ఏదో ఒక మంచి మెసేజ్ ను కలిగి ఉంటుంది.
ఓవైపు ఇండస్ట్రీలో తన బాబాయ్ విక్టరీ వెంకటేశ్ ఉన్నా.. తన తండ్రి సురేశ్ బాబు బడా నిర్మాత అయినా కూడా తన కాళ్ల మీద తాను నిలబడ్డారు. తెలుగు సినిమా ఇండస్ట్రీలో తనకంటూ ఒక ప్రత్యేక స్థానాన్ని సంపాదించుకున్నారు. రానా గురించి చెప్పాలంటే ఒక బాహుబలి సినిమా చాలు. ఆ సినిమాలో ఎంత పవర్ ఫుల్ విలన్ రోల్ వేశారో అందరికీ తెలుసు. బాహుబలి సినిమాకు హీరో పాత్ర ఎంత ముఖ్యమో.. విలన్ పాత్ర కూడా అంతే ముఖ్యం. ప్రపంచం మొత్తం మెచ్చిన సినిమాలో ఒక ముఖ్య పాత్ర పోషించడం అంటే అది అంత ఈజీ కాదు. అది రానాకు దక్కడం అనేది నిజంగా రానా ఎంత కష్టపడేతత్వం ఉన్న నటుడో అర్థం చేసుకోవచ్చు.
రానా ఏ సినిమా చేయాలో నన్ను ఏనాడూ అడగడు
రానా ఈ సినిమా చేయిరా అన్నా కూడా చేయడు. వాడు నేను ఏం చెప్పినా వినడు. తనకు ఏది నచ్చితే అది చేస్తాడు. ఇలాంటి సినిమా చేయ్ అన్నా వినడు. అలాంటి సినిమా చేయ్ అన్నా వినడు. నాకు నచ్చిన సినిమా చేస్తా అంటాడు రానా. అలాగే.. ఏ సినిమాలో నటించాలో కూడా నన్ను ఏనాడూ అడగడు. కాకపోతే ఈ సినిమా చేస్తున్నా అని చెబుతాడు. దీంతో నేను కూడా ఓకే అని చెప్పేస్తాను అంతే.. అని సురేశ్ బాబు చెప్పుకొచ్చారు.
రానా తీసుకునే ప్రతి నిర్ణయం వాడిదే.. ఎవ్వరూ ఇన్వాల్వ్ కారు
రానా తీసుకునే ఏ నిర్ణయం అయినా సరే.. ఆయన సొంతంగానే తీసుకుంటారట. తన తండ్రిని కానీ.. తన బాబాయ్ వెంకటేశ్ ను కానీ.. ఏ సినిమా చేయాలని కూడా అడగరట. అలాగే.. ఎటువంటి సలహాలు కూడా తీసుకోరట. తనకు నచ్చిన సినిమా చేస్తారట. రానాకు తన సొంత కల వేరే ఉందట. ఆ కల కోసం ఎవ్వరి మాటా వినకుండా.. తనకు ఏది నచ్చితే అది చేస్తారట. ఆయన ఏది చేసినా కూడా ఎక్కువగా సురేశ్ బాబు కూడా ఇన్వాల్వ్ కారట. ఈ విషయాన్నే సురేశ్ బాబు.. ఓ ఇంటర్వ్యూలో చెప్పుకొచ్చారు.
అభిరామ్ కూడా త్వరలోనే సినిమాల్లోకి వస్తున్నాడు
సురేశ్ బాబు చిన్నకొడుకు అభిరామ్ కూడా త్వరలోనే సినిమాల్లోకి వస్తున్నాడట. త్వరలోనే ఓ సినిమా ఫైనల్ అవ్వబోతోందని సురేశ్ బాబు చెప్పుకొచ్చారు. ఇప్పటికే అభిరామ్ యాక్టింగ్ కూడా నేర్చుకున్నారట. కథ కూడా సిద్ధం చేశారట. కరోనా వల్ల సినిమా ప్రకటన లేటవుతోందని సురేశ్ బాబు అన్నారు.
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్జెమిని (Capgemini) క్యాంపస్లో ఉన్న డే కేర్ సెంటర్లో చిన్నారిపై జరిగిన అమానుష ఘటన…
ఆంధ్రప్రదేశ్ ఉప ముఖ్యమంత్రి, జనసేన పార్టీ అధినేత పవన్ కల్యాణ్ సోషల్ మీడియా వినియోగం, వాక్ స్వాతంత్ర్యం, వ్యక్తిగత గౌరవం…