JD Chakravarthy: నాగచైతన్య నటించిన ఆ సినిమాలో నేనున్నా…కానీ ఎవరికీ తెలియదు.. జె.డి.చక్రవర్తి షాకింగ్ కామెంట్స్!

JD Chakravarthy: టాలీవుడ్ ఇండస్ట్రీలో ఎన్నో సినిమాలలో నటించి హీరోగా ఎంతో మంచి గుర్తింపు సంపాదించుకున్న నటుడు జె డి చక్రవర్తి గురించి ప్రత్యేకంగా పరిచయం అవసరం లేదు.తాజాగా ఈయన బుల్లితెరపై ప్రసారమౌతున్న శ్రీదేవి డ్రామా కంపెనీ కార్యక్రమానికి అతిథిగా వచ్చారు.ఈ క్రమంలోనే ఈ కార్యక్రమానికి సంబంధించిన ప్రోమో విడుదల చేయడంతో ఇది వైరల్ గా మారింది. ఈప్రోమో లో భాగంగా జె.డి.చక్రవర్తి ఎన్నో ఆసక్తికరమైన విషయాలను వెల్లడించారు.

ఈ సందర్భంగా జేడీ చక్రవర్తి మాట్లాడుతూ దిల్ రాజు నిర్మాణంలో వాసు వర్మ దర్శకత్వంలో నాగచైతన్య మొట్టమొదటిసారిగా నటించిన జోష్ సినిమా గురించి పలు ఆసక్తికరమైన విషయాలు వెల్లడించారు. జెడి చక్రవర్తి వేదికపైకి రాగానే ఈ సినిమాలోని అన్నయ్యొచ్చినాడో పాటతో ఎంట్రీ ఇచ్చారు. ఇక ఈ పాట అయిపోగానే ఎవరు ఈ పాట సజెస్ట్ చేసింది ఎవరు ఎవరికి అన్నయ్య అంటూ చెప్పగా వెంటనే రాంప్రసాద్ స్పందిస్తూ నా కెరీర్లో తొలి సినిమాలోని పాట అని చెప్పారు.

జోష్ సినిమాలో గోడ బ్యాచ్ ఉంటుంది అందులో నేను ఉన్నాను అంటూ రాంప్రసాద్ చెప్పగా అప్పటి నుంచి గోడ బ్యాచేనా అంటూ జె.డి.చక్రవర్తి తన పై పంచ్ వేశాడు.మీరు జోష్ లో ఉన్నారని చెప్పగానే నాకు చాలా బాధ కలిగింది అంటూ జె.డి.చక్రవర్తి చెప్పాగా… జనాలకు గుర్తు లేదు మీరు మరి గుర్తు చేయకండి అంటూ రాంప్రసాద్ చెప్పారు.

నేను చేసినట్టు ఎవరికీ తెలియదు….

ఈ క్రమంలోనే జెడి చక్రవర్తి మాట్లాడుతూ ఈ సినిమాలో నేను నటించినట్లు కూడా ఎవరికీ తెలియదు అంటూ తనపై తానే సెటైర్ వేస్తున్నారు. అయితే ఈ సినిమాలో జె.డి.చక్రవర్తి విలన్ పాత్రలో నటించారు. ఈయన విలన్ గా నటించిన తన పాత్రకు మంచి గుర్తింపు వచ్చినప్పటికీ నాగచైతన్య కెరీర్ లో మొదటి సినిమానే ఎన్నో విమర్శలను ఎదుర్కొందని చెప్పవచ్చు. ప్రస్తుతం ఈ కార్యక్రమానికి సంబంధించిన ఈ ప్రోమో సోషల్ మీడియాలో వైరల్ గా మారింది.