పూరి జగన్నాథ్ దర్శకత్వంలో ప్రభాస్ హీరోగా తెరకెక్కిన చిత్రం బుజ్జిగాడు. ఇందులో కన్నడ బ్యూటీ సంజనగ‌ల్రాని హీరోయిన్ గా తెలుగు ప్రేక్షకులకు పరిచయమైంది. తాజాగా జి వెంకట కృష్ణన్ దర్శకత్వంలో శివ కంఠమనేని, సంజ‌న గ‌ల్రాని, ప్రియా హెగ్దే, చాణ‌క్య ప్రధాన పాత్రలలో లైట్ హౌస్ సినీ క్రియేషన్స్ పతాకంపై కేఎస్ శంకర్రావు, ఆచార్య శ్రీనివాస రావు ఏం ఫణిభూషన్ సంయుక్తంగా నిర్మిస్తున్న అటువంటి చిత్రం “మణిశంకర్”.
తాజాగా నేడు ఈ సినిమా ఫస్ట్ లుక్ పోస్టర్ ను విడుదల చేసారు. ఇందులో హీరో శివ కంఠమనేని కత్తులతో ఉన్నటువంటి ఈ మోషన్ పోస్టర్ ప్రేక్షకులను ఆకట్టుకుంటుంది. ఈ క్రమంలోనే ఇది కాస్తా సోషల్ మీడియాలో వైరల్ గా మారి ఎన్నో అంచనాలను పెంచుతోంది.ఈ సందర్భంగా హీరో మాట్లాడుతూ మని శంకర్ సినిమా ఫస్ట్ లుక్ పోస్టర్ విడుదల అయింది. ఈ పోస్టర్ కు విశేష ఆదరణ లభిస్తుందని హీరో తెలియజేశారు.
ఇందులో సంజ‌న గ‌ల్రాని, ప్రియా హెగ్దేలతో నటించడం ఎంతో ఆనందంగా ఉంది ఈ సినిమా తప్పకుండా ప్రతి ఒక్కరికి నచ్చుతుందని హీరో తెలియజేశారు. ఇక ఈ సినిమాకు కథ, స్క్రీన్ , ప్లే దర్శకత్వం వహించిన జి. వెంకటకృష్ణన్ మాట్లాడుతూ ఒక యాక్షన్ సస్పెన్స్ థ్రిల్లర్ సినిమా మణిశంకర్ అని ప్రస్తుతం షూటింగ్ పనులన్నింటినీ పూర్తి చేసుకున్న ఈ సినిమా పోస్ట్ ప్రొడక్షన్ పనులు జరుపుకుంటుందని దర్శకుడు తెలియజేశారు. ఇక ఈ సినిమాకు ప్రభాకర్ రెడ్డి ఫోటోగ్రఫీ ఎంతో అద్భుతంగా ఉందని, ఈ సినిమాకు ఎం ఎల్ రాజా సంగీతం అద్భుతంగా వచ్చిందని తెలిపారు.