సినిమా సెట్ లో గాయపడిన బాలీవుడ్ హీరో.. ఏకంగా 25 కుట్లు పడటంతో మారిన ఫేస్?

సాధారణంగా సినిమా షూటింగ్ సమయంలో కొన్ని ప్రమాదాలు జరగడం సర్వసాధారణం.అలాగే కొన్ని పెద్ద ప్రమాదాలు కూడా జరుగుతుంటాయి ఇలాంటి ప్రమాదాలు హీరో హీరోయిన్ల ముఖ కవళికలు మారిపోవడమే కాకుండా కొన్నిసార్లు ప్రాణాలు కోల్పోతుంటారు. తాజాగా ఇలాంటి ఘటన బాలీవుడ్ హీరో షాహిద్ కపూర్ విషయంలో కూడా జరిగిందని ఆయన వెల్లడించారు.

తెలుగులో గౌతమ్ తిన్ననూరి దర్శకత్వంలో నాని హీరోగా నటించిన జెర్సీ సినిమా హిందీ రీమేక్ చిత్రం చేస్తున్నారు. ఈ రీమేక్ చిత్రానికి గౌతమ్ తిన్ననూరి దర్శకత్వం వహించగా షాహిద్ కపూర్ హీరోగా నటించారు. ఈ సినిమా క్రికెట్ నేపథ్యంతో తెరకెక్కడం వల్ల ఈ సినిమా షూటింగ్ కోసం షాహిద్ క్రికెట్ ప్రాక్టీస్ చేస్తూ ఉన్నారు.

ఈ సమయంలో బాల్ చాలా బలంగా తన పెదవికి తగిలిందని ఆ సమయంలో పూర్తిగా తన పెదవి మొత్తం గాయపడిందని ఈ సందర్భంగా వెల్లడించారు.ఈ ప్రమాదంలో తన పెదవికి ఏకంగా 25 కుట్లు పడ్డాయని ఇక తన పెదవి మొత్తం పాడైపోయిందని భావించారు. కొద్దిరోజుల పాటు చాలా ఇబ్బంది పడ్డానని తెలిపారు.

ఈ ప్రమాదం నుంచి కోలుకోవడానికి తనకు సుమారు రెండు నెలల సమయం పట్టిందని అందుకోసమే రెండు నెలలపాటు ఈ సినిమా షూటింగ్ ను కూడా వాయిదా వేశారని ఈ సందర్భంగా షాహిద్ కపూర్ జెర్సీ సినిమా షూటింగ్ సమయంలో తనకు జరిగిన ప్రమాదం గురించి వెల్లడించారు.