తన పెంపుడు కుక్కకు అవమానం జరిగిందని షూటింగ్ నుండి వెళ్లిపోయిన హీరోయిన్ ఎవరో తెలుసా.?!

రెండవ ప్రపంచ యుద్ధం జరుగుతున్నటువంటి సమయం అప్పుడు బ్రిటన్ పార్లమెంటులో పనిచేస్తున్న ఓ ధనవంతుడైన కుమారుడు ఇయాన్ ఫ్లెమింగ్. ఈయనకు గూఢచారులు చేసే పనులు అంటే చాలా ఇష్టం. ఆ క్రమంలో ఆయన వారితో ప్రయాణించి వారు వేసే ఎత్తులు పై ఎత్తులను దగ్గరగా చూసేవారు. ఆ క్రమంలో తన 45వ ఏట ఒక రచయితగా మారి గూడచారికి సంబంధించిన నవలలను రాయడం జరిగింది. ఆ క్రమంలో జేమ్స్ బాండ్ అనే ఇంగ్లాండ్ వ్యక్తి యొక్క అనుమతితో ఇయాన్ ఫ్లెమింగ్ తన నవలలో హీరోకి జేమ్స్ బాండ్ అని పేరు పెట్టడం జరిగింది.

‌ అలా సంవత్సరానికి ఒకసారి గూడచారి కి సంబంధించిన నవలను రాసి ప్రచురించేవారు. అలా హాలీవుడ్ లో జేమ్స్ బాండ్ చిత్రాలు అనేకం వచ్చేవి. జేమ్స్ బాండ్ చిత్రాలు 1960వ దశకంలో మద్రాసులో విడుదలై ప్రేక్షకులను ఆకట్టుకునేవి. ఆ క్రమంలో ఆనాటి ప్రఖ్యాత నిర్మాత డూండీ జేమ్స్ బాండ్ తరహా కథతో కూడిన ఒక తెలుగు సినిమా తీయాలనుకున్నారు. అలా ఆయన రచయిత ఆరుద్ర ను కలిసి తన మనసులో మాట చెప్పారు. అప్పుడు ఆరుద్రగారు అంతకుముందే జేమ్స్ బాండ్ చిత్రాలను చూసేవారు. కొంత కాలం సమయం తీసుకొని గూడచారి 116 చిత్రానికి సహనిర్మాతగా వ్యవహరించిన సుందర్ లాల్ కు కథ చెప్పాలని డూండీ కోరడం జరిగింది. అప్పుడు రచయిత ఆరుద్ర ఆఫీసులోనే కథ చెబితే అసిస్టెంట్ డైరెక్టర్ దానిని అలాగే ఇంగ్లీషులో టైప్ చేసేవాడు. ఆ తర్వాత దానిని తెలుగులో రాసుకొని సంభాషణలు అందించేవారు.

ఈ సినిమా కోసం నిర్మాత డూండీ అప్పుడే తేనె మనుసులు చిత్రంలో హీరోగా నటిస్తున్న కృష్ణ ను కలవడం జరిగింది. జేమ్స్ బాండ్ తరహా కథ తీస్తున్నామని అందులో నువ్వు హీరో వేషం వేయాలని హీరో కృష్ణకు వెయ్యి రూపాయలు అడ్వాన్సు ఇచ్చి అగ్రిమెంటు పేపర్ పై డూండి సైన్ చేయించుకోవడం జరిగింది. అప్పటికి గూడచారి116 కృష్ణ కి రెండో చిత్రం అయినప్పటికీ విడుదల ఆలస్యం అవడం తో కృష్ణ గారి మూడవ చిత్రంగా రావడం జరిగింది. హీరోయిన్ గా తమిళంలో అప్పటికే ఒక విజయవంతమైన సినిమాలో నటించిన జయలలితను గూడచారి 116 సినిమాకి హీరోయిన్ గా ఎన్నుకున్నారు.

అయితే గూడచారి 116 సినిమా దాదాపుగా పూర్తవుతున్న సమయంలో హీరోయిన్ జయలలిత షూటింగ్ లో తన పెంపుడు కుక్క కి అవమానం జరిగిందని షూటింగ్ మధ్యలో నుంచి వెళ్ళిపోయారు. తీరా ఏం జరిగిందని దర్శకుడు ఆరాతీయగా విషయం తెలియడంతో దర్శకుడు మల్లికార్జునరావు, డూండీలు స్పందించి నిర్మాతలు అంటే విలువ లేకుండా ఇలా చేయడం ఏంటని.. కృష్ణ తో జయలలితకు మిగిలున్న షాట్స్ ని, కొన్ని క్లోజప్ సీన్స్ ని ముందుగానే తీసుకొని జయలలిత ఇచ్చిన కాల్షీట్స్ కంటే ముందే ఆమెను షూటింగ్ నుండి పంపించడం జరిగింది. ఈ సినిమా 1966లో విడుదలై ఘన విజయాన్ని సాధించింది.