అలా.. వైకుంఠపురములో ఈ నటుడి భార్య, పిల్లలు మనకు బాగా తెలిసిన నటులే.. ఆమె ఒక స్టార్ హీరోయిన్ కుడా!!

అలా వైకుంఠపురం సినిమాలో అల్లు అర్జున్ అసలు తండ్రి పాత్ర పోషించిన వ్యక్తి గురించి మీకు తెలుసా… ? ఆయన ఎవరు..? ఆయన ఇంతకు ముందు ఏ సినిమాల్లో నటించారు..? ఆయన ఫ్యామిలీ బ్యాక్ గ్రౌండ్ ఏంటి…! ఇప్పుడు చూద్దామా…! అలా వైకుంఠపురంలో… సినిమాలో అల్లు అర్జున్ అసలు తండ్రి పోషించిన వ్యక్తి పేరు జయరామ్. అయితే ఈ సినిమాలో ఈయన నటన కు అందరూ ఫిదా అయ్యారు అని చెప్పవచ్చు. దానికి కారణం ఆ క్యారెక్టర్ ను అంతలా పండించాడు కాబట్టి.

అయితే ఈయన సినిమాల విషయానికొస్తే ఇంతవరకు జయరామ్ 200 సినిమాలకు పైగా నటించడం జరిగింది. ఆయన కేవలం సినిమా హీరోగానే మాత్రమే కాకుండా కామెడీ పండించడంలో కూడా దిట్ట. ఇకపోతే ఈయన నటించిన చిత్రం బాగా గుర్తు వచ్చేది అంటే పంచతంత్రం. ఇక ఆ సినిమాలో ఆయన చెప్పే డైలాగు ఇప్పటికీ అందరికీ గుర్తు ఉంటుంది. అదేమిటంటే… ” మా నాన్నకు హార్ట్ లో హోల్” . ఆ సినిమాలో జయరాం నటనకి నిజంగా ప్రతి ఒక్కరూ నవ్వు ఆపుకోలేక పోయారు. ఇకపోతే జయరాం నటుడే కాకుండా ఆయన సతీమణి కూడా టాప్ హీరోయిన్. ఈవిడ పేరు పార్వతి. ఆమె మలయాళం, తమిళ్ సినిమాల్లో టాప్ హీరోయిన్ గా కొనసాగింది.

ఈమె మొదట్లో క్యారెక్టర్ ఆర్టిస్ట్ గా తన సినీ ప్రస్థానాన్ని మొదలుపెట్టగా కొన్ని రోజుల తర్వాత టాప్ హీరోయిన్ లిస్ట్ లోకి చేరిపోయింది. అయితే వీరిద్దరు ఎన్నో సినిమాల్లో హీరో హీరోయిన్లుగా నటించారు. ఇలా నటించడం కాబోలు వారి సాన్నిహిత్యం కాస్త ప్రేమగా మారి వివాహం వరకు వెళ్లారు. ప్రస్తుతం వారికి ఒక కొడుకు, ఒక కూతురు. ఇక కొడుకు పేరు కాళిదాస్ జయరాం. ఇదివరకూ తను చైల్డ్ ఆర్టిస్ట్ గా సినిమా ఇండస్ట్రీలో అడుగు పెట్టి ప్రస్తుతం హీరోగా రాణిస్తున్నాడు. ఇక కూతురు పేరు మాళవిక జయరాం. ప్రస్తుతం ఈ అమ్మాయి మంచి మోడల్ గా రాణిస్తుంది. అలాగే చిన్నచిన్న యాడ్స్ లో కూడా నటిస్తూ త్వరలోనే సినిమాలలో అడుగు పెట్టేందుకు రెడీ అవుతోంది.