ఆ ఇంట్లోని ఓ గదిలో అరుపులు వినిపించాయి.. గదికి వెళ్లి చూసిన తల్లిదండ్రులు షాక్ అయ్యారు..

సాధారణంగా ఏ ఇంట్లో అయినా వంటగదిలో ఫ్యాన్ ఏర్పాటు కోసం గోడకు ఓ కన్నం వదిలిపెడతారు. ఆ కన్నానికి ఎక్స్‌ట్రాక్షన్ ఫ్యాన్ సెట్ చేస్తారు. భవనం నిర్మించే సమయంలోనే దాదాపు ఆ పని పూర్తి చేస్తారు. కానీ చైనాలోని గిఝౌ ప్రావిన్స్‌… పుడింగ్ కౌంటీలోని ఆ ఇంటి ఫస్ట్ ఫ్లోర్ లో ఆ కన్నం అలానే వదిలేశారు. ఆ ఇంట్లో ఉంటున్న ఓ బాలికకు అది అలా ఎందుకు వదిలేశారా అని.. ఆలోచించింది. తర్వాత చిన్నగా దాని పైకి ఎక్కింది.

ఆ బాలిక తన తలను అందులో దూర్చింది. దీంతో ఆ బాలికకు అందులో నుంచి రావడానకి తీవ్ర ఇబ్బంది పడింది. దీంతో అరవడం మొదలు పెట్టింది. కంగారు పడిన ఆమె తల్లిదండ్రులు రూంకి వచ్చి చూశారు. అక్కడ ఎవరూ లేరు. కానీ తన కూతురు సౌండ్ మాత్రం వినిపిస్తుంది. మళ్లీ పెద్దగా అరిచింది. దీంతో వాళ్లు ఒక్కసారిగా పైకి చూసేసరికి షాక్ అయ్యారు.

అచ్చం ఆ బాలిక ఓ దెయ్యంలా కనిపించింది. తలకు ఉన్న వెట్రుకలు కిందకు వేలాడుతూ.. ఒక భూతంలా ఉంది. దీతో భయపడిపోయిన తల్లిదండ్రులు వెంటనే ఫైర్ సిబ్బంది (Fire station)కి కాల్ చేశారు వెంటనే వాళ్లు వచ్చి పైకి చూడగానే ఒక్కసారిగా పాప తలను చూసి షాక్ అయ్యారు. దెయ్యం సినిమాల్లోలాగా ఉందే అనుకున్నారు.

వెంటనే ఫ్లోర్ పైకి వెళ్లి… పాపకు ధైర్యం చెప్పారు. ఆమె తన తలను ఎలా అందులో దూర్చిందో.. అలానే బయటకు తీద్దాం అనుకున్నారు. కానీ అలా కుదరలేదు. ఆ బాలిక తలకు ఓ ఆయిల్ రాసి చిన్నగా పైకి.. కిందకు లాగుతూ చివరకు విజయవంతంగా బయటకు తీశారు. ఆమెకు ఎలాంటి గాయాలు కాలేదు. దీంతో తల్లిదండ్రులు ఊపిరిపీల్చుకున్నారు. ఈ వీడియో ఇప్పుడు సోషల్ మీడియాలో వైరల్ గా మారింది. ఈ వీడియోపై నెటిజన్లు వివిధ రకాలుగా స్పందిస్తున్నారు.